Angliýanyň çempionaty “Premier Ligada” 12-nji tapgyryň galdyrylan duşuşygynda “Arsenal” Londonda çempion “Mançester Siti” bilen duşuşdy. Çekeleşikli geçen oýunda “Arsenala” ýene bir ýola “Mançester Sitini” ýeňmek başartmady. “Mançester Sitini” soňky gezek çempionatda 2015-nji ýylda ýeňen “Arsenal” öz meýdançasynda 3-1 hasabynda asgyn geldi. Duşuşykda “Sitiniň” gollaryny Kewin De Bruýne (24), Jek Griliş (72) hem-de Erling Holann (82) geçirdi. “Sitiden” yzly-yzyna 11 oýunda utulan “Arsenalyň” ýeke-täk goluny-da penaltiden Bukaýo Saka (42) derwezä girizdi. Geçen ýylyň aprelinden bäri öz meýdançasynda ilkinji gezek utulan “Arsenal” bilen utugyny deňleşdiren 1 oýny artyk “Mançester Siti” sanawyň birinji ornuna beýgeldi. Şunlukda, Ýewropanyň öňdebaryjy çempionatlarynda şu möwsümde ençeme tapgyrdan soň sanawyň lideri üýtgedi. Pep Guardiola şägirdi Mikel Artetany “Arsenalyň” tälimçisi bolanyndan soň çempionatdaky özara geçiren 6-njy duşuşygynda-da ýeňlişe sezewar etdi.
