Nal

Atyň toý­na­gy­nyň ýe­re sür­tül­me­gi netijesinde, in­çelip, zeper ýetýär. Şeý­le ýag­daý­da onuň ýö­re­me­gin­de kyn­çy­lyk­lar döreýär, kä­te-de ag­sa­ma­lar ýü­ze çyk­ýar. Ada­myň aýak­la­ry­nyň aýak­gap­lar bi­len go­ra­ly­şy ýa­ly, at toý­nak­la­ry hem nal­lar bi­len go­ral­ýar. Nal onuň toý­na­gy­nyň öl­çe­gi­ne gö­rä, ýa­ry­maý şekilinde de­mir bö­le­gin­den ybaratdyr. Ola­ry de­mirçi us­sa­lar ýa­sa­ýar.
Nallar bedewleriň aýak­la­ry­ny ýum­şak ýer­le­re ar­ka­ýyn ba­smaklaryny, ga­ty ýer­ler­de hem toý­nak­la­ry­nyň go­ral­ma­gy­ny üp­jün edip­dir.
Il­ki-il­ki­ler atlaryň aýak­la­ry­ny ke­çe, toý­nak­la­ry­ny bolsa, ga­lyň ma­ta ýa-da de­ri­den edi­len gap bi­len ör­tüp, my­dar edip­dir­ler. Berk bol­ma­dyk bu ör­tük­le­riň ýe­ri­ni wag­tyň geçmegi bilen de­mir nal­lar eýeläpdir.
Nal­lan­maz­dan öň, atyň toý­nak­la­ry aras­sa­lan­ýar, ýo­nu­lyp te­kiz­len­ýär. Soň­ra ýö­ri­te taý­ýar­la­nan çüý­ler bi­len toý­na­ga nal ka­kyl­ýar. Bu iş örän us­sat­ly­gy ta­lap ed­ýär. Şol se­bäp­li, şol döwürlerde at­la­ry nal­la­ma­gy öw­red­ýän ýö­ri­te okuw­lar açy­lyp­dyr.
Nal ada­tça, 3 aý­yň dowamynda sür­tü­lip ýu­kal­ýar we ola­ry ça­lyş­ma­ly bol­ýar. Ýa­ry­şa gat­naş­ýan at­la­ryň nal­lan­ma­gy­na aý­ra­tyn üns be­ril­ýär. Toý­na­gyň go­wy go­ral­ma­gy onuň ar­ka­ýyn çap­ma­gy­ny üp­jün ed­ýär. Çapylýan bedewlerde ula­nyl­ýan nal­la­ryň iň amat­ly­sy al­ýu­mi­n­den ýa­salanydyr. Ol ýe­ňil bol­ýar.
Şu günki günde ýaş ça­pyk­su­war­la­ry­myz at­la­ry­myz ba­ra­da alan bi­lim­le­ri­ni çuň­laş­dyr­mak mak­sa­dy bi­len dün­ýä ül­ňü­le­ri­ne la­ýyk gel­ýän at­çy­lyk top­lum­la­ryn­da okuw we önüm­çi­lik tej­ri­be­le­ri­ni geç­ýär­ler. At mün­mek, at­çy­lyk spor­tu­ny ös­dür­mek – sag­dyn­ly­gyň we ru­hu­be­lent­li­giň gi­re­wi bo­lup, ýaş­lar­da ça­la­syn­ly­gy, do­gum­ly­ly­gy ter­bi­ýe­le­mek­de äh­mi­ýet­li­dir. At­çy­lyk spor­tu­nyň dünýä ülňülerine laýyk derejede ösmegi ýaş­lar­da ter­bi­ýä­niň be­den, ah­lak, zäh­met, akyl hem es­te­ti­k ýa­ly gör­nüş­le­ri­niň kä­mil­leş­megine uly ýar­dam ber­ýär.