UEFA Ýewropa Konferensiýa Ligasynda-da pleý-off tapgyrynyň jogap oýunlary geçirildi. 1-nji oýunda 1-0 ýeňen Lasio bilen AEK Larnaka myhmançylykda degişlilikde, KFR Kluž hem-de Dnepr-1 klublary bilen golsuz deňme-deň oýnap, 1/8 finala çykdylar. Öz meýdançasynda 1-0 ýeňen Trabzonspor myhmançylykda Bazelden 2-0 asgyn geldi. Duşuşykda türk klubundan Bakasetas penaltini dürs urup bilmedi. Azerbaýjanyň Garabag topary Genti 1-0 ýeňipdi. Jogap oýnunda 1-0 utulan Garabag penaltileriň netijesinde ýeňlişe sezewar boldy (5-3). Ludogores Razgrad hem öz meýdançasynda Anderlehti 1-0 ýeňipdi. Ýöne jogap oýnudan 2-1 utulyp, penaltilerden soň 3-0 ýeňildi w ýaryşdan çykdy. Myhmançylykda 1-0 ýeňiş gazanan Partizan öz meýdançasynda Şerifden 3-2 utuldy. Golsuz geçen Bodo-Glimt – Leh Poznan duşuşygynyň jogap oýnunda ýer eýeesi polýak kluby 1-0 hasabynda ýeňip, 1/8 finala adyny ýazdyrdy. 1-nji oýunlaryň iň arkaýyn topary Fiorentina öz meýdançasynda Bragany 3-2 hasabynda ýeňlişe sezewar etdi. Portugaliýadaky oýunda italýan kluby 4-0 ýeňiş gazanypdy.
