20-nji martdan “Türkmenistan” awiakompaniýasynyň uçuşlarynyň hataryna London we Pekin goşular. Pandemiýadan ozal, şu ugurlarda howa gatnawlary amala aşyrylýardy. 23-nji fewraldan başlap bu ugurlardaky petekler satuwa hödürlendi.
Aşgabatdan (ASB) Pekine (PEK) gatnawlar häzirlikçe hepdede iki gezek ýerine ýetiriler – ilkinji uçuş 24-nji marta meýilleşdirildi. Londonyň Stansted (STN) aeroportyna gatnawlar hepdede bir gezek – iň ýakyn wagtdakysy 20-nji martda başlar. Ozal, türkmen awiakompaniýasynyň uçarlarynyň Londonyň Hitrou howa menziline gonandyklaryny bellemek gerek.
