Ispaniýanyň çempionatynda çempionlygy kesgitläp biljek oýunda – El Klasiko duşuşygynda “Barselona” öz meýdançasynda “Real Madridi” 2-1 hasabynda ýeňlişe sezewar etdi. 9-njy minutda Ronald Arauhonyň ýalňyşlyk bilen öz derwezesinden girizen goly esasynda öňe saýlanan “Reala” jogap goluny 45-nji minutda Serhi Roberto geçirdi. Oýnuň 81-nji minutynda-da jedelli pursatda VAR-yň görkezmezesi boýunça “really” Asensionyň goly hasaba alynmady. Duşuşygyň 90+2-nji minutynda-da oýna 73-nji minutda giren Frank Kessieniň goly “Barselona” toparyna ýeňiş getirdi. Bu ýeňiş “Barselonanyň” “El Klasikolardaky” 100-nji ýeňşi boldy. Şeýle-de, “Barselona” “Real Madridi” şu möwsümde 3-nji gezek ýeňip, soňky sapar şeýle başarnyk 2011/12 möwsüminde hasaba alnypdy. Kessieniň derwezesä girizen goly “Barselonanyň” “La Liganyň” çäginde stadiony “Kamp Nouda” geçiren 3000-nji goly diýlip bellenildi. Bu ýeňişden soň “Barselona” 2-nji ýerdäki “Real Madrid” bilen utuk aratapawudyny 12-ä ýetirdi we çempionlyk ugrunda uly mümkinçilik gazandy.
