Ga­za­gys­ta­nyň iň uly par­ti­ýa­sy «Ama­nat» par­la­men­tiň aşa­ky pa­la­ta­sy ma­ži­lis­de köp­lü­ge eýe bol­dy. Bu ba­ra­da Ga­za­gys­ta­nyň Mer­ke­zi saý­law to­pa­ry­nyň baş­ly­gy Nur­lan Ab­di­row mä­lim et­di. 19-njy mart­da ma­ži­li­siň (aşa­ky pa­la­ta) we mas­li­ha­tyň (ýer­li do­lan­dy­ryş eda­ra­la­ry­) no­bat­dan da­şa­ry saý­law­la­ry ge­çi­ril­di. De­pu­tat­lar par­ti­ýa sa­naw­la­ryn­dan, şeý­le-de bir man­dat­ly saý­law ok­rug­la­ryn­dan saý­lan­dy­lar.
Şeý­le­lik­de, par­ti­ýa sa­naw­la­ry­na gö­rä, saý­law­la­ra gat­naş­ýan ýe­di par­ti­ýa­nyň al­ty­sy ma­ži­li­siň dü­zü­mi­ne gir­ýär. «Ama­nat» 53,9%, Halk de­mok­ra­tik wa­tan­çy­lyk par­ti­ýa­sy «Auyl» 10,9%, Res­pub­li­ka 8,59%, Halk par­ti­ýa­sy 6,8%, «Ak Žol» de­mok­ra­tik par­ti­ýa­sy 8,41% we Mil­li so­si­al de­mok­ra­tik par­ti­ýa, 5,2% se­se eýe bol­ýar.
Par­ti­ýa­lar 69 orun üçin da­laş­gär­lik et­di­ler. Mer­ke­zi saý­law to­pa­ry he­niz ola­ryň paý­la­ny­şy ba­ra­da mag­lu­mat çap et­me­di, ýö­ne ka­nu­na la­ýyk­lyk­da, «Ama­nat»-yň saý­law ne­ti­je­si, tak­my­nan, 40 or­na bil bag­la­ma­ga müm­kin­çi­lik ber­ýär.
Bir ag­za­ly ma­žo­ri­tar ok­rug­lar­da aşa­ky pa­la­ta­ üçin ýe­ne 29 orun paý­lan­ýar. Olar üçin par­ti­ýa­nyň we­kil­le­ri hem, öz-özü­ni hö­dür­län da­laş­gär­ler hem gö­reş­di. Des­lap­ky mag­lu­mat­la­ra gö­rä, «Ama­nat»-yň da­laş­gär­le­ri 23 ok­rug­da ýe­ňiş ga­zan­dy. Şeý­le­lik bi­len, «Ama­nat» par­ti­ýa­sy ynam­ly köp­lü­gi sak­la­ma­ga müm­kin­çi­lik ber­jek 98 orun­dan 63-si­ni alyp bi­ler. Mer­ke­zi saý­law gu­ra­ma­sy­nyň ha­ba­ry­na gö­rä, saý­law­lar­da Ga­za­gys­ta­nyň je­mi 6,366,441 ýa­şaý­jy­sy ses ber­di.

Gyzykly bolup bilerЕЩЕ ОТ АВТОРА