EURO 2024-iň saýlama tapgyry boýunça “B” toparçada Dünýä Kubogynyň wise-çempiony Fransiýa öz meýdançasynda Niderlandlary 4-0 hasabynda utup, güýçli garşydaşyny derbi-dagyn etdi. Duşuşykda fransuzlaryň gollaryny 2-nji minutda Antuan Grizmann, 8-nji minutda Apamekano, 21-nji we 88-nji minutlarda-da Kilian Mbappe geçirdi. Şunlukda, 2 gol geçiren Mbappeniň Fransiýanyň ýygyndysyndaky gollarynyň sany 38-e ýetdi. Ol bu ugurda Karim Benzemadan öňe saýlanyp, 5-nji orna beýgeldi. Fransiýanyň ýygyndysynda iň köp gol geçiren futbolçy Oliwie Žiru bolup, weteran futbolçynyň 53 goly bar.
