Ispaniýanyň çempionaty La Ligada 27-nji tapgyrda soňky çempion Real Madrid öz meýdançasynda Walýadolidi 6-0 hasabynda utmagy başardy. Eýýäm 1-nji ýarymda 4-0 öňe saýlanan Real Madridiň gollarynyň 3-sini Karim Benzema derwezä girizdi. Fransiýaly ýyldyz hüjümçi 7 minutda het-trik edip, toparynyň uly hasaply ýeňiş gazanmagynda esasy roly oýnady. Benzema 29-njy, 32-nji we 36-njy minutlarda tapawutlanmagy başardy. Benzema 11-nji möwsüminde Realda 20 we 20-den köp gol geçirip, bu görkezijä ýeten ilkinji futbolçy boldy. Ondan öň Di Stefano bilen Raul 10 möwsüm 20 we 20-den köp gol geçiripdi. Duşuşykdaky beýleki gollary Rodrigo, Asensio hem-de Lukas Waskes geçirdi. 2-nji ýarymda oýna giren Edin Azar 204 günden soň meýdança dolandy.
