“Mançester Ýunaýtediň” rowaýaty tälimçisi Ser Aleks Fergusona gazanan çempionlyk medaly 40 ýyldan soň gowşurylar. Bu barada iňlisleriň meşhur gazetlerinden “Daily Mail” habar berýär. Ferguson 1983-nji ýylda Şotlandiýanyň “Aberdin” topary bilen şol wagtky ýaryş bolan Kubokçylaryň Kubogy bäsleşigini gazanypdy. “Aberdin” topary şol ýyl finalda “Real Madridi” 2-1 hasabynda ýeňip, UEFA-nyň şol döwürlerdäki 2-nji derejeli kubogyny eýeläpdi. UEFA-nyň şol döwürdäki düzgünlerine laýyklykda, ýeňiş gazanan topara medallar esasy düzümde oýnan 11 futbolça hem-de ätiýaçdaky 5 oýunça berilýärdi. Şol berilmedik medal 12-nji maýda dabara bilen Aleks Fergusona hem-de şol wagtky kömekçisi Arçi Noksa gowşurylar. Tälimçilige 1974-nji ýylda “Ist Stirlingşaýr” toparynda başlan Ferguson soňlugy bilen, 1986-njy ýylda “Mançester Ýunaýtediň” tälimçisi bolýança “St. Mirren” hem-de “Aberdin” klublaryna-da tälim beripdi. 39 ýyllyk tälimçilik karýerasyna 4 kubok sygdyran Ferguson “Mançester Ýunaýtede” 27 ýyl tälimçilik etdi.
