Italiýanyň Kubogy ýaryşynda ýarym finalyň 1-nji duşuşyklary geçirilip, Italia derbisinde “Ýuwentus” bilen “Inter” 1-1 deňme-deň oýnady. Çekeleşikli we soňky pursatlary juda dartgynly geçen oýunda “Ýuwentus” 83-nji minutda Kuadradonyň goly bilen öňe saýlandy. Ýöne emin Dawide Massa 90+5-nji minutda “Interiň” peýdasyna penalti urgusyny belledi. Ony-da dürs uran Lukaku hasaby deňledi. Duşuşygyň ahyrynda “Interden” Lukaku bilen Handanowiç, “Ýuwentusdanam” Kuadrado gyzyl kart aldy. Jogap duşuşygy 26-njy aprelde Milanda geçiriler.
Ýarym finalyň beýleki oýny-da şu gije oýnalyp, “Kremonese” öz meýdançasynda “Fiorentinany” kabul eder.
