Germaniýanyň çempionatynda sanawyň lideri “Bawariýa” myhmançylykda “Fraýburgy” De Ligtiň uzakdan owadan goly bilen 1-0 hasabynda ýeňmegi başardy. “Borussiýa Dortmund” bolsa “Union Berlini” Malen we Mukokonyň gollary bilen 2-1 hasabynda ýeňlişe sezewar etdi. Kem-kemden ýokarky orunlara dyrjaşýan “Baýer” topary öz meýdançasynda “Aýntrahty” 3-1 utdy. Lewerkuzenlilere ýeňiş getiren gollary Adli (10), Diabi (34) hem-de oýna soň giren Azmun (90+5) geçirdi. Serdar Azmun geçen tapgyrda-da toparynyň 3-nji goluny geçirip, ol bassyr 2-nji gezek tapawutlanmagy başardy. “Leipsigiň” “Hertany” 1-0 ýeňen tapgyrynda “Maýns” bilen “Werderiň” arasyndaky duşuşygyň soňky 5 minutynda 4 gol geçirilip, oýun deňlikde tamamlandy.
