UEFA Çempionlar Ligasynda çärýek finalyň 1-nji duşuşygynda “Mançester Sitiden” 3-0 asgyn gelen “Bawariýadaky” şowsuzlyklar dowam edýär. Duşuşykda bir pursatda özara jedelleşen Sadio Mane bilen Leroý Saneniň arasyndaky dawa eşik çalşyrylýan otagda hem dowam edip, ol ula ýazdy. Jedeliň soňunda Mane Saneniň üstüne topulyp, topardaşyny ýumrugy bilen ýumruklady. Soňlugy bilen, topardaşlary olary köşeşdirdi. Bu wakadan soň Mane Saneden hem-de beýleki topardaşlaryndan ötünç sorasa-da, klubuň ýolbaşçylary bu hadysa bigam galmady. Sadio Mane häzirlikçe toparyň düzüminden çykarylyp, ol “Hoffenhaým” duşuşygynda meýdança çykmaz. Oýunçynyň haçan düzüme alynjakdygy häzirlikçe belli däl. Topar senegally hüjümçä pul jerimesini hem salmakçy bolýar. Mane “Bawariýada” 32 oýunda 11 gol geçirip, 5 goluň pasyny berdi.
