PSŽ-niň argentinaly super ýyldyzy Lionel Messi özüniň geljekki karýerasy baradaky kararyny 10-njy iýunda äşgär etjekdigini aýtdy. PSŽ-ni terk etmäge taýýarlyk görýän Lionel Messiniň ozalky kluby “Barselonanymy” ýa-da Saud Arabystanyny saýlajakdygy hemmäni gyzyklandyrýar. PSŽ-de ýene-de 1 ýyl galmak mümkinçiligi bolan Messiniň “Al-Hilalyň” 1 milliard ýewro çenli barýan teklibi bilen ozalky kluby “Barselonanyň” arasyndan birini saýlamagyna garaşylýar. Käbir çeşmelere görä, Messiniň “Barselonany” saýlandygy bellenilýär. Ýöne “Barselona” klubunyň hem Messini transfer etmek üçin käbir hasap-hesip işlerini tamamlamagy zerur. Ýyldyz futbolçy transferiň “La Liganyň” ýolbaşçylarynyň prosedurasyna gabat gelip-gelmeýändigini aýdyňlaşdyrmagy talap etdi. “Barselonanyň” Messini transfer etmegi üçin aýlyk býujetinden 200 million ýewrony aýyrmaly bolar. Bu ýagdaýam käbir futbolçylaryň klubdan gitmegi diýmekdir. Şol sebäpli habarda Messiniň “Barselona” 10-njy iýuna çenli möhlet berendigi bellenilýär. Ýagny “Barselonanyň” Messiniň transferiniň hiç hili bökdenişsiz ýagdaýda amala aşyrmagy üçin 10 güni bar. “Barselona” topary proseduralary tamamlap bilmedik ýagdaýynda Messiniň arap klubunyň düzümine goşulmagyna garaşylýar.
