Nýu-Ýorkly belli awtor Kertin Sittenfeld “Buýsanç we ýalan ynam” atly romanyň täzelenen görnüşini ýazýar. Bu täsin taslama beýik iňlis romançysy Jeýn Ostiniň (1775-1817) aradan çykan gününiň 200 ýyllygyna gabat gelýär. Çünki iňlis dilinde ýazylan eseriň ajaýyp pikirlerine düşünmekde häzirki zaman amerikan okyjylaryna belli bir derejede kynçylyk döreýär.
“Laýyk” (Eligible) diýlip atlandyryljak bu romandaky wakalar Angliýadan ABŞ-nyň Ogaýo ştatynyň Sinsinnati şäherine geçýär. Doganlar Bennet täze hünär öwrenýärler. Liz žurnalyň redaktory bolýar, Jeýn ýoga boýunça hünärmen, Kitti we Lidiýa bolsa, Krossfitanyň muşdaklaryna öwrülýärler, Meri bolsa, özüni bütinleý ylma bagyşlaýar. Ýöne romanyň özeni üýtgedilmez.
Romanyň awtory Kertin Sittenfeld: – Ilkinji gezek 16 ýaşymda okan “Buýsanç we ýalan ynam” romanyny juda gowy görýärin. Men bu eserde dürli paýhasly pikirleriň üstünden barýaryn we olar dürli emele gelen kyn ýagdaýlardan maňa baş alyp çykmakda ýardam berýärler – diýip aýdýar. Taslamanyň çäklerinde Jeýn Ostiniň iň meşhur beýleki bäş romanynyň täzelenen görnüşi ýazylar. Häzirki wagtda guramaçylar bu jogapkärçilikli işiň hötdesinden geljek ýazyjylary gözleýärler.
