Saud Arabystanynyň çempiony “Al-Hilal” ýene bir ýyldyz oýunçy bilen düzümini güýçlendirdi. Jidda şäheriniň wekili “Çelsiniň” senegally goragçysy Kalidu Kulibalini transfer etdi. Arap kluby 32 ýaşyndaky goragçy üçin iňlis klubuna 20 million ýewro möçberinde töleg tölär. Kulibali täze kluby bilen 3 ýyllyk şertnama baglaşdy. Geçen möwsümiň başynda “Çelsä” geçen Kulibali londonlylaryň düzüminde 32 oýunda meýdança çykdy. “Mets”, “Genk” klublarynda oýnan Kulibali 8 möwsüm “Napolide” çykyş edipdi. Kulibali “Al-Hilal” toparynyň 2-nji transferi bolup, olar Ruben Neweşi düzümine goşupdy.
