Hor­mat­ly Pre­zi­den­ti­mi­ziň taý­syz ta­gal­la­la­ry bi­len öz­ge­riş­ler­dir ro­waç­lyk­la­ryň me­ka­ny­na öw­rü­len dün­ýe­wi, de­mok­ra­tik, hu­kuk döw­le­ti­miz­de hal­ky­my­zyň eş­ret­li, bag­ty­ýar dur­muş­da ýa­şa­ma­gy üçin ama­la aşy­ryl­ýan tu­tum­ly iş­ler bar­ha iler­le­ýär. Mil­li Li­de­ri­mi­ziň alyp bar­ýan pa­ra­sat­ly, öň­den­gö­rü­ji­lik­li sy­ýa­sa­ty ne­ti­je­sin­de ata Wa­tan­my­zyň äh­li pu­dak­la­ryn­da yk­dy­sa­dy­ýet­de, oba ho­ja­ly­gyn­da, me­de­ni­ýet­de, bi­lim ul­ga­myn­da, sy­ýa­hat­çy­lyk­da tä­ze-tä­ze öz­ge­riş­lik­ler ama­la aşy­ryl­ýar. Parahatçylygyň, abadançylygyň ýurdy hökmünde bütin dünýäde ykrar edilen Diýarymyzda durmuşa geçirilýän il-ýurt bähbitli işleriň, beýik başlangyçlaryň ilkinji nobatda ýurdumyzyň asudalygy, abadan ýaşaýşy ugrunda amala aşyrylýandygy baradaky hakykat berkarar döwletimizde hemişe üns merkezinde saklanylýar. Şeýle-de, Watanmyzyň gözel tebigatyny gorap saklamak barada uly aladalar edilýär.
Şu ýy­lyň gyş, ba­har pa­syl­la­ry­nyň has ygal­ly gel­me­gi bi­len te­bi­ga­ty­myz tä­sin gö­zel­li­ge bü­re­nip, özü­niň gaý­ta­lan­ma­jak aja­ýyp­lyk­la­ry­ny dö­ret­di. Te­bi­ga­ty­my­zyň bu aja­ýyp gö­zel­li­gi­ni ýan­gyn how­pun­dan go­rap sak­la­mak her bi­ri­mi­ziň ka­nu­ny bor­ju­myz­dyr. To­kaý, se­ýil­gäh zo­lak­la­ryn­da eki­len ar­ça­la­ryň ara­lyk­la­ry gu­ran dür­li ha­şal ot­lar­dan wag­tyn­da aras­sa­la­nyp, sü­rüm iş­le­ri ge­çi­ril­me­li­dir. Her bir bö­lü­nip ber­len çäk­ler, il­kin­ji no­bat­da, des­lap­ky ýan­gyn sön­dü­ri­ji se­riş­de­ler bi­len üp­jün edil­me­li­dir. Ot ýak­maz­lyk ba­ra­da­ky su­rat­ly görkezmeler gör­nük­li edi­lip go­ýul­ma­ly­dyr. Bö­lü­nen çäk­le­re ýan­gyn howp­suz­lyk düz­gün­le­ri­niň ber­jaý edi­li­şi­ne ýö­ri­te jo­gap­kär adam­lar bel­len­me­li­dir.
Aja­ýyp gö­zel te­bi­gat­da adam­la­ryň köp­çü­lik­le­ýin dynç al­ýan ýer­le­rin­de ýan­gyn howp­suz­lyk düz­gün­le­ri­ni ber­jaý et­mek­le­ri we ra­ýat­la­ry­my­zyň dynç al­ýan ýer­le­rin­de ýan­gyn­la­ryň dö­re­mez­li­gi­niň öňü­ni al­mak mak­sa­dy bi­len, Türk­me­nis­ta­nyň Içe­ri iş­ler mi­nistr­li­gi­niň Döw­let ýan­gyn howp­suz­ly­gy gul­lu­gy şu­la­ry ýat­lad­ýar.
Te­bi­ga­ty­my­zyň gözelliklerini ýan­gyn how­pun­dan go­rap sak­la­mak üçin her ýyl­da Aş­ga­bat şä­he­ri­niň, we­la­ýat­la­ryň hä­kim­le­ri ta­ra­pyn­dan “Ýan­gyn­la­ryň öňü­ni al­mak we dö­rän ýan­gyn­la­ry gu­ra­ma­çy­lyk­ly sön­dür­mek ba­ra­da­ky” ka­rar­la­r ka­bul edil­ýär. Şol ka­rar­lar­da, ba­har-to­mus pa­syl­la­ry­nyň ýan­gyn howp­ly möw­sü­min­de gö­zel te­bi­gat­da adam­la­ryň köp­çü­lik­le­ýin dynç al­ýan ýer­le­rin­de ra­ýat­la­ra açyk ýer­ler­de ot ýak­mak do­ly ga­da­gan edil­ýär. Agaç­la­ryň, ot­luk ýer­le­riň açyk meý­dan­ça­la­ryn­da ot­dan peý­da­lan­ýan ra­ýat­la­ra gar­şy Türk­me­nis­ta­nyň Ka­nun­çy­ly­gy­na la­ýyk­lyk­da, çä­re gör­mek­ de­giş­li gö­zeg­çi­lik iş­le­ri­ni ge­çir­ýän gul­luk­la­ra berk tab­şy­ry­lýar.
Dynç ýa-da zäh­met rug­sa­dy wag­tyn­da ho­wa­nyň ys­sy gün­le­ri il­deş­le­ri­miz maş­ga­la­la­ry bi­len tä­miz ho­wa­ly, akar suw­ly to­kaý se­ýil­gäh zo­lak­la­ryn­da dynç alyş­la­ry gu­ra­ýar­lar. Ol ýerlerde kä­bir adam­lar maş­ga­la­la­ry bi­len na­har bi­şir­mek üçin ot ýak­ýar­lar. Olar agaç­ly zo­lak­lar­da ot ýak­ma­gyň öz­bo­luş­ly düz­gün­le­ri­ni ber­jaý et­mez­den, ýan­gy­nyň ýü­ze çyk­mak how­pu­ny dö­red­ýär­ler. Köp­çü­lik­le­ýin dynç alyn­ýan to­kaý­ly, ot­ly ýer­ler­de ot ýak­mak­ do­ly ga­da­gan edil­ýär. Eger-de çyk­gyn­syz ýag­da­ýa dü­şü­len­de ot ýak­mak üçin, çä­ge­li ýa-da akar su­wuň go­la­ýyn­da daş­ly ýer saý­la­nyp alyn­ma­ly­dyr. Ot ýa­kyl­maz­dan öň, ot ýa­kyl­jak ýe­riň on bäş metr daş-tö­we­re­gi gu­ran ot-çöp­ler­den top­ra­ga çen­li aras­sa­lan­ma­ly­dyr. Soň­ra ýa­rym metr çuň­luk­da ojak ga­zyl­ma­ly­dyr. Ot ýa­kyl­jak ýer daş­ly bo­lan­da, oja­gyň tö­we­re­gi­ne daş ör­mek mas­la­hat be­ril­ýär. Ot­dan peý­da­la­nyp bol­nan­dan soň, suw se­pi­lip, ýa-da gum sü­rüp, oduň köz­le­ri do­ly sön­dü­ril­me­li­dir. Köp ha­lat­lar­da oba ça­ga­la­ry te­bi­ga­tyň gö­zel ýer­le­rin­de uly adam­lar ta­ra­pyn­dan gö­zeg­çi­lik­siz ge­ze­lenç ed­ýär­ler ýa-da mal bak­mak bi­len meş­gul­lan­ýar­lar.
Köp­çü­lik­le­ýin dynç alyş ýer­le­rin­de sön­dü­ril­me­dik çi­lim, ot­lu­çöp ga­lyn­dy­sy­ny taş­lap gaýt­mak­ly­gam örän howp­lu­dyr. Şeý­le-de, dynç alyş ýer­le­rin­de çüý­şe gap­la­ry ýa-da aý­na dö­wük­le­ri gal­dy­ryl­ma­ly däl­dir. Se­bä­bi taş­la­ny­lyp gaý­dy­lan şol çüý­şe gap­la­ry­na, aý­na dö­wük­le­ri­ne Gü­nüň ýi­ti şöh­le­si­niň dü­şüp, çen­de­na­şa gyz­ma­gy­nyň hem ýan­gy­nyň dö­re­me­gi­ne se­bäp bol­ma­gy müm­kin­dir.
Dynç al­şa bar­lan­da, köp adam­lar öz­le­ri­niň şah­sy aw­tou­lag­la­ry bi­len bar­ýar­lar. Olar kä­ha­lat­lar­da aw­tou­lag­la­ry­ny gu­ran ot-çöp­le­riň üst­le­ri­ni ba­sa­la­bam sür­ýär­ler. Bu ýag­da­ýyň hem iň bir howp­ly ýan­gyn­la­ryň ýü­ze çyk­ma­gy­na ge­tir­me­gi müm­kin­dir. Se­bä­bi aw­tou­la­gyň tüs­se­çy­ka­ryn­dan uç­gun­la­ryň çyk­ma­gy­nyň, ola­ry­ňam gu­ran ot-çöp­le­ri­ne düş­me­gi­niň howp­ly ýan­gy­nyň dö­re­me­gi­ne ge­tir­jek­di­gi ikuç­suz­dyr. Kä­ha­lat­lar­da bol­sa, kä­bir adam­lar dynç alyş ýer­le­rin­de şah­sy aw­tou­lag­la­ryn­da be­je­riş-abat­la­ma iş­le­ri­ni ge­çir­ýär­ler-de, el­le­ri­ni ýa-da aw­tou­la­gyň şaý­la­ry­ny es­gi­ler bi­len sü­pü­rip, şol ýag-ýan­gyç si­ňen es­gi­le­ri-de gu­ran ot-çöp­le­riň üst­le­ri­ne taş­lap gaýd­ýar­lar. Şeý­le ge­leň­siz­li­gi­ňem howp­ly ýag­daý­la­ra ge­tir­me­gi müm­kin­dir. Hor­mat­ly il­deş­ler! Bi­ziň hem­mä­miz ata Wa­tan­my­zyň gö­zel, baý te­bi­ga­ty­nyň, onuň ösüm­lik we haý­wa­nat dün­ýä­si­niň he­mi­şe abat bol­ma­gy­na jo­gap­kär­di­ris. Çün­ki eko­lo­gik taý­dan aras­sa, tä­sin gö­zel­lik­le­re baý te­bi­ga­ty­myz bi­ziň eg­sil­mez baý­ly­gy­myz­dyr.

Mu­ham­met­ber­di Gel­di­my­ra­dow, Aş­ga­bat şä­he­ri­niň Po­li­si­ýa mü­dir­li­gi­niň Ýan­gyn howp­suz­ly­gy bö­lü­mi­niň 100-nji har­by­laş­dy­ry­lan ýan­gyn howp­suz­lyk bö­lü­mi­niň baş­ly­gy, içer­ki gul­lu­gyň pod­pol­kow­ni­gi.

Gyzykly bolup bilerЕЩЕ ОТ АВТОРА