PDF
UEFA Çempionlar Ligasynda 3-nji saýlama tapgyryň jogap oýunlarynda çempion däl klublaryň arasynda Fransiýanyň “Marseli” grekleriň “Panatinaikos” toparyndan asgyn gelip, ýaryşyň daşynda galdy. Myhmançylykda 1-0 asgyn gelen “Marsel” öz meýdançasynda täze transfer Obameýangyň 2-nji we 45+1-nji minutlardaky gollary 2-0 öňe geçdi. Ýöne 90+9-njy minutda bellenen penaltini Ioannidisiň dürs urmagyndan soň goşmaça 30 minut oýnalmaly boldy. Netijede, penaltilerde 5-3 utulan “Marsel” ýoluny Ýewropa Ligasynda dowam etdirer. “Braga” bilen PSW toparlary 2-nji duşuşyklarynda hem uly hasaply ýeňişler gazandylar. Öz meýdançasynda 2-1 ýeňiş gazanan “Reýnjers” myhmançylykda “Serwette” bilen 1-1 deňme-deň oýnap, pleý-off tapgyryna çykdy.
TSS (Serbiýa) – “Braga” (Portugaliýa): 1-4 (0-3)
“Serwette” (Şweýsariýa) – “Reýnjers” (Şotlandiýa): 1-1 (1-2)
“Marsel” (Fransiýa) – “Panatinaikos” (Gresiýa): 2-1 g.w. 3-4 p (0-1)
“Şturm Gras” (Awstriýa) – PSW (Niderlandlar): 1-3 (1-4)
Pleý-off tapgyry
Pleý-off tapgyrynda “Makkabi Haýfa” bilen Şweýsariýanyň çempiony “Ýang Boýz”, “Rakuw” bilen “Kopengagen”, “Molde” bilenem “Galatasaraý” duşuşar. Belgiýanyň çempiony “Antwerpen” toparynyň garşydaşy-da AEK ýa-da “Dinamo Zagreb” bolar. “Reýnjers” bilen PSW, “Braga” bilenem “Panatinaikos” toparçalara çykmak üçin özara güýç synanyşar. Pleý-off tapgyrynyň oýunlary 22-23-nji hem-de 29-30-njy awgustda oýnalar.
Pleý-off tapgyryň duşuşyklary:
“Makkabi Haýfa” – “Ýang Boýz”,
“Rakuw Çenstohowy” – “Kopengagen”,
“Molde” – “Galatasaraý”,
“Antwerpen”– AEK/“Dinamo Zagreb”,
“Reýnjers” – PSW,
“Braga” – “Panatinaikos”.
