Wengriýanyň paýtagty Budepeştde dowam edýän ýeňil atletika Dünýä çempionatynda zenanlaryň arasynda üçürdikläp bökmekde çempion bu ýylam üýtgemedi. Wenesuelaly Ýulimar Rohas bassyr 4-nji altyn medalyny boýnuna dakdy. Ol ýaryşyň final tapgyrynda ilkinji 5 synanyşygyň netijesinde 8-nji orunda barýardy. 2 synanyşygy hasaba alynmadyk 28 ýaşyndaky türgen 3 synanyşygynda-da gowy netije görkezmedi. Ýöne soňky synanyşygynda 15,08 metre böken Rohas çempion boldy oturyberdi. Ol bu ugurda 15 metre böken ukrainaly Marina Beh-Romançukdan hem-de kubaly Leýanis Peresden (14,96 metr) öňe saýlandy. Şeýlelikde, üçürdikläp bökmekde yzly-yzyna 4 çempionlyk gazanan ilkinji türgen boldy. Ol umumylykda Kristian Teýlordan soň 4 Dünýä çempionlygyny gazanan 2-nji türgen hökmünde hasaba alyndy.
