Sport äleminiň iň uly guramaçylygy hasaplanýan tomusky Olimpiýa oýunlarynyň maksatnamasyna her Olimpiadada täze sportlar goşulmagyny dowam edýär. Halkara Olimpiýa Komiteti 2028-nji ýylda ABŞ-nyň Los Anjeles şäherinde geçiriljek XXXIV tomusky Olimpiýa oýunlarynyň maksatnamasyna girizilen täze sportlary mälim etdi. Şoňa görä, lakross, beýsbol/softbol, kriket, flag-futbol, skuaş ýaly sport görnüşleri Olimpiýa oýunlarynyň maksatnamasyna alyndy.
Lakross 1904-nji hem-de 1908-nji ýyldan soň täzeden 3-nji gezek Olimpiýa oýunlarynyň düzümine girizildi. Şol sanda Pariž 2024-iň maksatnamasynda bolmadyk beýsbol/softboll hem sanawa alyndy. Kriket sporty 1900-nji ýyldan soň 2-nji gezek tomusky Olimpiýa oýunlarynda maksatnamasyna girizildi. Amerikan futbolynyň bir görnüşi bolan flag-futbol hem-de skuaş tomusky Olimpiýa oýunlarynyň taryhynda ilkinji gezek orun alar.
Ýeri gelende bellesek, geljek ýyl Parižde guraljak tomusky Olimpiýa oýunlarynda-da breýktans boýunça bäsleşikler Olimpiadanyň taryhynda ilkinji gezek geçiriler.
