Möwsümiň iň ökde ýaş futbolçysyna berilýän Kopa baýragynyň (“Kopa Trophy”) bu ýylky ýeňijisi-de “Barselonanyň” ýyldyzy Lamin Ýamal boldy. Topardaşy Pau Kubarsini hem-de PSŽ-li Warren Zair-Emerini yzda galdyran Ýamal bassyr 3-nji gezek Kopa baýragyny ýokary göterdi.

Zenan futbolçylaryň arasynda Kopa baýragyna hem “Barselona” toparynyň oýunçysy Wiki Lopes mynasyp boldy. Ol “Barselonanyň” başga oýunçysy Klara Serraýordiden hem-de “Çelsiniň” niderland futbolçysy Weerle Buurmandan köp ses aldy.

Möwsümiň iň ökde derwezeçisine berilýän Ýaşin baýragyna (“Yashin Trophy”) Ispaniýanyň Dünýä Kubogyny gazanmagynda uly rol oýnan Unaý Simon laýyk görüldi. Çempionatda 1 gol geçirden “Atletik Bilbao” klubunyň derwezeçisi Dünýä Kubogynda uzak wagtlap gol geçirtmezlik rekordynyň täze eýesi bolupdy. Simon watandaşy, “Arsenal” klubunyň derwezeçisi Dawid Raýadan hem-de “Real Madridiň” belgiýaly derwezeçisi Tibo Kurtuadan köp ses almagy başardy.

Bu baýrak zenan oýunçylardan “Barselona” toparynyň ispaniýaly derwezeçisi Kata Kolla gowşuryldy. Ol “Gotam” toparynyň germaniýaly derwezeçisi Ann-Katrin Bergeri hem-de “Mançester Sitiniň” ýaponiýaly derwezeçisi Aýaka Ýamaşitany yzda galdyrdy.

Möwsümiň iň ökde tälimçisine berilýan Ýohan Kroýff baýragyna (“Johan Cruyff Trophy”) Ispaniýanyň ýygyndylarynyň tälimçileri mynasyp boldy. Erkekleriň arasynda Ispaniýany çempion eden Luis de la Fuente laýyk görlüp, ol watandaşlary Mikel Artetadan hem-de Unaý Emeriden köp ses aldy.

Zenan futbolynda-da “Barselona” toparynyň tälimçisi Pere Romeu Ýohan Kroýff baýragynyň bu ýylky eýesi boldy. Bu ugurda “Lion” toparynyň ispan tälimçisi Honatan Hiraldes 2-nji, “Mançester Sitiniň” şwesiýaly tälimçisi Andree Ýeglerts 3-nji orny eýeledi.

Ýylyň kluby diýlip bassyr 2-nji gezek Fransiýanyň PSŽ topary saýlanyp, parižlilerden öň “Mançester Siti” yzly-yzyna 2 sapar ýylyň kluby baýragyny gazanypdy. Zenan futbolynda-da 1 ýyllyk arakesmeden soň ýene-de Ispaniýanyň “Barselona” kluby 3-nji gezek ýylyň kluby diýlip saýlandy.

Ýylyň ynsanperwer hereketine berilýän Sokrates baýragyna (“Socrates Award”) “Premier Liganyň” çempiony “Arsenal” klubunyň angliýaly hüjümçisi Bukaýo Saka laýyk görüldi. Ol

Gyzykly bolup bilerЕЩЕ ОТ АВТОРА