Italiýanyň çempionatynda 9-njy tapgyryň jemleýji duşuşygynda garaşylmadyk netije hasaba alyndy. Mundan öňki 8 tapgyrda diňe 1 gol geçiren we 1 oýunda ýeňiş gazanan “Empoli” topary myhmançylykda 4-nji orunda barýan “Fiorentinany” 2-0 hasabynda ýeňdi. “Empoli” toparyna ýeňiş getiren gollary Kaputo (21) bilen Gýasi (81) geçirdi. Utugyny 7-ä çykaran “Empoli” topary 17-nji orna beýgeldi. 9-njy tapgyry ýeňliş bilen tamamlasa-da, 4-nji ýerdäki ornuny saklan “Fiorentina” 2-nji gezek ýeňlişe sezewar boldy.
