Ýewropa çempionatynyň saýlama tapgyrynyň soňky duşuşyklary 16-21-nji noýabr aralygynda geçiriler. Germaniýadaky ýerini bronladan ýygyndylaryň biri-de Fransiýanyň ýygyndysydyr. Tälimçi Didie Deşam milli ýygyndynyň düzümini mälim edip, oňa PSŽ-niň 17 ýaşly ýarymgoragçysy Worren Zair-Emerini hem çagyrdy. Ýaş oýunçy milli ýygynda ilkinji gezek çagyrylyp, ol PSŽ-niň soňky duşuşyklarynda has erjel oýun görkezipdi. Deşamyň çagyran oýunçylarynyň arasynda Mbappe, Teo Hernandes, Grizmann, Kamawinga, Rabio ýaly ýygyndynyň esasy oýunçylary hem bar.
Fransiýanyň ýygyndysy öz toparçasynda 2 duşuşyk geçirer. Horozlar ilki 18-nji noýabrda Gibraltary kabul ederler, soňam 21-nji noýabrda myhmançylykda Gresiýa bilen duşuşarlar.
DERWEZEÇILER: Alfons Areola («West Hem»), Maýk Menýan («Milan»), Bris Samba («Lans»);
GORAGÇYLAR: Jonatan Kloss («Marsel»), Luka Hernandes (PSŽ), Teo Hernandes («Milan»), Ibraima Konate («Liwerpul»), Žýul Kunde («Barselona»), Žan-Kler Todibo («Nissa»), William Saliba («Arsenal»), Daýo Upamekano («Bawariýa»);
ÝARYMGORAGÇYLAR: Eduardo Kamawinga («Real Madrid»), Ýussuf Fofana («Monako»), Bubakar Kamara («Aston Willa»), Adriýen Rabo («Ýuwentus»), Worren Zair-Emeri (PSŽ);
HÜJÜMÇILER: Kingsli Koman («Bawariýa»), Oliwe Žiru («Milan»), Antuan Grizmann («Atletiko»), Markus Turam («Inter»), Randal Kolo-Muani, Usman Dembele, Kilian Mbappe (üçüsem – PSŽ).
