Saud Arabystanynyň çempionatynda tälimçisi Nuno Espiritony wezipesinden boşadan “Al-Ittihad” topary 13-nji tapgyrda öz meýdançasynda “Abhe” toparyndan 4-2 hasabynda üstün çykdy. Duşuşykda Jidda şäheriniň klubunyň 3 goluny Karim Benzema adyna ýazdyrdy. Ol 38-nji minutda penaltiden, şeýle-de, 67-nji we 69-njy minutlarda tapawutlanyp, çempionatdaky ilkinji het-trigini etdi. Bu gollardan soň Benzema iň köp gol geçiren oýunçylaryň sanawynda 3-nji orna geçip, Talişka bilen deňleşdi. Sanawda Kristiano Ronaldo 12, Aleksandar Mitrowiç 10 gol bilen 1-2-nji orunlary eýeleýärler.
Çempionatyň 13-nji tapgyrynyň çäginde “Al Hilal” öz meýdançasynda “Al Taawun” toparyny Mitrowiç hem-de Kannonyň gollary bilen 2-0 ýeňdi.
