Ýer ýü­zün­dä­ki jan­dar­lar, ösüm­lik­ler ýa­şa­ýan ýe­ri­niň te­bi­gy aý­ra­tyn­lyk­la­ry­na gö­rä, dür­lü­çe bol­ýar. Dün­ýä­de ary­dan ki­çi guş, uç­ýan ba­lyk, mör-mö­jek bi­len iý­mit­len­ýän gül, suw­da ýa­şa­ýan süý­dem­di­ri­ji ýa­ly tä­sin jan­dar­la­ryň ýüz­ler­çe­si bar. Şeý­le tä­sin ösüm­lik­le­riň bi­ri hem suw ýü­zün­de bit­ýän ki­çi rýas­ka at­ly ot­dur. Bu ösümlik öý şert­le­rin­de ak­wa­ri­um­da hem ös­dü­ril­ýär. Ola­ryň 40 tö­we­re­gi gör­nü­şi bo­lup, dün­ýä­niň köp ýer­in­de, köl­ler­de we ýa­ta suw­lar­da ös­ýär. Ak­wa­ri­um­da ös­dü­ril­ýän­le­ri bol­sa, ba­lyk­la­r üçin iý­mit bo­lup hyz­mat ed­ýär. Ola­ryň kö­ki 1 sm-den hem ki­çi, baldagy 1-2 mm tö­we­re­gi bol­ýar. Ol gül aç­ýan ösüm­lik­le­riň iň ownugy ha­sap­lan­ýar. Bu ot­lar te­bi­gy şert­ler ýa­ra­maz bo­lan ýag­da­ýyn­da mek­ge­jö­we­niň­ki­den on es­se köp krah­mal ön­dür­ýär­ler we agyr­la­şyp su­wuň düý­bü­ne çök­ýär­ler. Ýa­şa­ma­gy üçin amat­ly şert­ler dö­rän ma­ha­ly gaý­ta­dan su­wuň ýü­zü­ne çyk­ýar­lar. Rýas­ka­la­ryň te­bi­gy aý­ra­tyn­lyk­la­ry olary dür­li mak­sat­lar üçin peý­da­lan­ma­ga müm­kin­çi­lik ber­ýär. Rýas­ka­lar iň çalt köpelýän ösüm­lik­le­riň bi­ri ha­sap­lan­ýar. Olar 2 gün­de tut­ýan meý­da­ny­nyň iki es­se­si­ni gap­lap bil­jek de­re­je­de köpelýärler. Ola­ryň iň ýaý­ran gör­nüş­le­ri “Lem­na”, “Lem­naceae”, “Wolf­fia”, “Spi­ro­de­la” ha­sap­lan­ýar. Olar ör­dek­ler, oňur­ga­syz we suw­da ýa­şa­ýan beý­le­ki jan­dar­lar üçin iý­mit çeş­me­si bo­lup hyz­mat ed­ýär. Hä­zir­ki wagt­da ba­lyk­la­ry we öý guş­la­ry­ny iý­mit­len­dir­mek üçin hem ýö­ri­te ýe­tiş­di­ril­ýär. Mun­dan baş­ga-da, ha­pa suw­la­ry aras­sa­la­ýan­ly­gy se­bäp­li suw aras­sa­laý­jy how­dan­lar­da ýö­ri­te kö­pel­dil­ýär. Şeýle hem bio­ýan­gyç ön­dür­mek­de hem peý­da­la­nyl­ýar.

Gyzykly bolup bilerЕЩЕ ОТ АВТОРА