BMG-niň Howanyň üýtgemegi boýunça Çarçuwaly konwensiýasyna gatnaşýan taraplaryň maslahatynyň 28-nji mejlisiniň delegatlary möhüm jarnama gol çekip, ýurtlary oba hojalygy, azyk we howanyň üýtgemegi babatda bilelikde işlemäge çagyrdylar.
COP28-iň durnukly oba hojalygy, iýmit ulgamlary we howanyň üýtgemegine garşy göreş boýunça hereketleri baradaky jarnama Dubaýda geçirilýän COP28-iň çäginde geçirilen Bütindünýä howa sammitiniň ýörite sessiýasynda hödürlendi.
Bu jarnamada global zyňyndylaryň meselesini çözmek, şeýle-de önüm öndürijileriň ömrüni we eklenç üçin serişdelerini goramak maksat edinilýär.
Jarnamany kabul etmek azyk ulgamlaryny berkitmäge, howanyň üýtgemegine garşy durnuklylygy ýokarlandyrmaga, zyňyndylary azaltmaga we BMG-niň durnukly ösüş maksatlaryna laýyklykda, açlyga garşy global göreşe goşant goşar.
Bu resminama, dünýä ilatynyň ep-esli bölegine, esasan hem, yza galak ýurtlaryň we jemgyýetleriň ýaşaýjylaryna ýaramaz täsir edýän howanyň üýtgemegine garşy göreş üçin bilelikdäki hereketleriň zerurdygyny tassyklaýar.
