Hytaýyň “Huawei” korporasiýasy Fransiýada zawod gurar. Maglumatlara görä, “Huawei” Fransiýada zawodyň gurluşygyna 2024-nji ýylda başlar. IT ägirdiniň zawoduň gurluşygyna 2020-nji ýylda başlamagy meýilleşdirendigi, hatda 200 million ýewro möçberde maýa goýum belländigi, ýöne pandemiýa sebäpli meýilnamalary üýtgetmeli bolandygy habar berilýär. Fransuz häkimiýetleri 2022-nji ýylda kompaniýanyň ygtyýarnamasyny uzaltmak kararyna geldi. Maglumatlarda Hytaýyň Ýewropa Bileleşiginden we ABŞ-dan soň Fransiýanyň üçünji uly söwda hyzmatdaşydygy bellenilýär. Fransiýada desganyň 2025-nji ýylda açylmagyna garaşylýar. Zawod Strasburgyň golaýyndaky Brýumat kommunasynda ýerleşer. Zawod ykjam aragatnaşyk torlary üçin niýetlenen enjamlary öndürer.
