Täze möwsümde täze formatda geçiriljek UEFA Çempionlar Ligasyna gatnaşýan klublaryň hersine 23 million ýewro (ozalkysy 15 million 640 müň ýewro), finala çykan toparlara-da 32,7 million ýewro (15,5 million ýewro berler.
Saud Arabystanynda dowam edýän 20-nji FIFA Klublararasy Dünýä Kubogynda Meksikanyň Leon toparyny Şalkyň 78-nji minutdaky goly bilen ýeňen Ýaponiýanyň Urawa Red Daýmonds topary 19-njy dekabrda oýnaljak ýarym finalda Mançester Sitiniň garşydaşy boldy.
20-nji FIFA Klublararasy Dünýä Kubogynda Müsüriň Al-Ahli topary ýer eýesi hökmünde gatnaşýan Al—Ittihad toparyny 3-1 (Maalul 21 p, El Şahat 59, Aşur 62 – Benzema 90+2) hasabynda ýeňip, ýarym finalda Fluminense bilen duşuşar (18-nji dekabr).
Italiýanyň çempionaty Serie A-da 11 oýundan bäri ýeňilmän gelýän 2-nji ýerdäki Ýuwentus myhmançylykda Jenoa bilen duşuşyp, 1-1 hasabynda deňme-deň oýnady (Gudmundsson 48 – Kieza 28 p).
Fransiýanyň çempionaty Ligue 1-de Monako öz meýdançasynda aşaky orunlarda barýan Liondan Žefinionyň 85-nji minutda geçiren ýeke-täk goly esasydna 1-0 utuldy we Lion yzly-yzyna 2-nji ýeňşini gazandy.
Ispaniýanyň çempionatynda 17-nji tapgyryň açylyş duşuşygynda Osasuna öz meýdançasynda Raýo Wallekanony Raul Garsiýanyň 90+5-nji minutda geçiren ýeke-täk goly esasynda 1-0 ýeňdi.
Germaniýanyň çempionaty Bundesligada 15-nji tapgyryň ilkinji duşuşygynda Borussiýa M bilen Werder klublary duşuşyp, 2-2 deňlikde tamamlanan oýunda ýeňiş gazanan bolmady (Raýts 45, 49 – Borre 7, Dukş 76)
Häzirki wagtda arakese berlen Russiýanyň çempionaty Premýer Ligada iň aşaky orunda Soçi topary ozal az wagtlyk Ispaniýanyň milli ýygyndysyna, şol sanda Monako, Granada klublaryna tälim beren ispaniýaly hünärmen Robert Morenony tälimçi wezipesine belledi.
Angliýanyň çempionaty Premier Ligada täze tapgyryň açylyş duşuşygynda Tottenham topary myhmançylykda Nottingam Forest toparyny Rişarlisonyň (45+2) hem-de Kulusewskiniň (65) gollary bilen 2-0 hasabynda utdy.
Meşhur žurnalist Fabrizio Romanonyň habar bermegine görä, Mançester Ýunaýted düzümindäki niderland ýarymgoragçy Donni wan de Beki möwsümiň ahyryna çenli Germaniýanyň Aýntraht klubuna kärendesine ugradar.
