Hytaý şu gün – 25-nji dekabrda “Tianmu-1” meteorologiýa toparyna degişli dört meteorologik hemrasyny uçurdy. Emeli hemralar Pekin wagty bilen ir sagat 9:00-da Hytaýyň demirgazyk-günbataryndaky Szýusýuan hemra uçuryş merkezinden “Kuaýçžou-1A” kysymly göteriji raketa bilen uçuryldy we meýilleşdirilen orbitalaryna üstünlikli ýerleşdirildi. Olar, esasan, täjirçilik maksatly meteorologiýa maglumatlaryny bermek üçin ulanylar. Bu uçuş “Kuaçžou-1A” seriýaly göteriji raketalaryň 23-nji uçuşy boldy. “Tianmu” hytaýçada “asman adasy” diýmegi aňladýar. Bu seriýa degişli emeli hemralaryň ikinji ikisi şu ýylyň 9-njy ýanwarynda, ikinji topar 22-nji martda we üçünji topar 20-nji iýulda uçurylypdy.
