“Apple” kompaniýasy garyşyk hyýaly hakykat äýnegi “Vision Pro”-nyň 2-nji fewralda satuwa çykaryljakdygyny mälim etdi. Harydy 19-njy ýanwardan başlap sargyt edip bolar. Tehnologiýa ägirdi geçen ýyl “WWDC 2023” sergisinde bu enjamy tanyşdyrypdy. Äýnek ilki ABŞ-daky “Apple Store”-larda we internet dükanlarynda satuwa çykarylar. Kompaniýanyň ýolbaşçysy Tim Kuk “Vision Pro”-nyň adamlaryň işlemek, hyzmatdaşlyk etmek, habarlaşmak, ýatlamalaryny gaýtadan “başdan geçirmek” we güýmenmegiň lezzetini almak ýaly gündelik işleriniň şekili üýtgetjekdigini aýtdy. Gözüňe dakylýan enjamyň 256 GB ýady bolan görnüşi 3 müň 499 dollardan satylar.
