Mary welaýatyna saparynyň çäklerinde Gahryman Arkadagymyz Mary şäheriniň Gurbanguly Hajy metjidine geldi.
Soňra bu ýerde Beýik Biribardan ýurdumyzyň abadançylygy, halkymyzyň bagtyýar durmuşynyň dowamata atarylmagy, Hajy Arkadagymyzyň başyny başlan beýik maksatlarynyň Arkadagly Hajy Serdarymyzyň ýolbaşçylygynda üstünlikli durmuşa geçirilmegi dileg edildi.
Soňra Gahryman Arkadagymyz öten-geçenleri ýatlap, sadaka berilse, aýat-töwirler okalsa, doga-dilegler edilse, pederlerden gelýän däp-dessurlaryň mynasyp derejede dowam edýändigini görkezer diýip belledi.
Hajy Arkadagymyz din wekillerine ýüzlenip, ýaş nesilleriň watansöýüji, edep-ekramly, zähmetsöýer bolup ýetişmeklerinde uly işleri bitiren mähriban käbesi Ogulabat ejäniň hem-de kyblasy, özüniň manyly ömrüni halkyna, mähriban topragyna bagyş eden Mälikguly aganyň belli günleriniň Oraza aýyna düşýändigini aýtmak bilen, olary ýagşylykda ýatlap, olaryň belli günleriniň arasynda gelýän Anna gününde belli gün sadakasyny bermek baradaky teklibini ýaşulular bilen geňeşip görmeklerini haýyş etdi. Munuň özi halkymyzyň pederlerini goýýan uly hormatynyň nyşanydyr.
Öz nobatlarynda din wekilleri halkymyzyň jana-jan bähbitlerine gönükdirilen ägirt uly işleri üçin Hajy Arkadagymyza hem-de Arkadagly Hajy Serdarymyza uly üstünlikleri arzuw etdiler.
