Katarda geçirilýän 18-nji Aziýa Kubogyna soňky çempion hem-de ýer eýesi uly hasaply ýeňiş bilen başlady. “A” toparçanyň çäginde Liwan bilen duşuşan katarlylar 3-0 hasabynda ýeňiş gazandy. Ýer eýelerine ýeňiş getiren gollaryň 2-sini 45-nji hem-de 90+6-njy minutlarda Akram Afif bilen 56-njy minutda Almoez Ali derwezä girizdi. “Lusail” stadionynda oýnalan duşuşyga 82 müň 490 janköýer tomaşa etdi.
Günüň beýleki duşuşyklary
Aziýa Kubogynyň 2-nji gününde 3 duşuşyk geçiriler. “A” toparçada Hytaý ýaryşyň debýutanty Täjigistanyň ýygyndysy bilen duşuşar. Duşuşyk Dohadaky Abdullah bin Khalifa stadionda oýnalar we 19:30-da başlanjak oýna saud arabystanyly Mohammed Al Hoaiş eminlik eder.
Şu gün “B” toparçanyň 2 duşuşygy hem oýnalar. Günüň ilkinji duşuşygynda Al Raýýandaky Ahmad bin Ali stadionynda Awstraliýa bilen Hindistanyň ýygyndylary duşuşar. Ýaponiýaly Ýoşimi Ýamaşitanyň eminlik etjek oýny 16:30-da başlar.
Günüň ahyrky duşuşygynda Özbegistanyň ýygyndysy bilen Siriýanyň ýygyndysy duşuşar. Al Raýýan şäherindäki başga bir stadionda – Jassim bin Hamad stadionyndaky 22:30-da başlanjak duşuşyga omanly Ahmed Al-Kaf eminlik eder.
