Germaniýanyň çempionaty “Bundesliganyň” wise-çempiony “Borussiýa Dortmund” Angliýanyň “Premier Ligasyndan” 2 futbolçyny düzümine goşdy. Dortmundlylar ilki ozalky futbolçysy Jeýdon Sançony möwsümiň ahyryna çenli kärendesine transfer etdi. Ol 2017-2021-nji ýyllar aralygynda “Borussiýa Dortmundda” çykyş edipdi. Şonda ol 50 gol geçirip, 64 goluň pasyny beripdi. 2021-nji ýylda “Mançester Ýunaýtede” 85 million ýewro transfer bolan Sanço möwsümiň başynda tälimçisi Erik Ten Hag bilen düşünişip bilmän, toparyň esasy düzüminden çykarylypdy. 23 ýaşyndaky Sanço 10-njy belgili köýnekçäni geýer.
“Borussiýa Dortmundyň” 2-nji alan futbolçysy “Çelsiden” bolup, dortmundlylar goragçy Ian Matsen bilen möwsümiň ahyryna çenli kärendesine şertnama baglaşdylar. Niderland futbolçy soňky gezek “Býornlide” kärendesine çykyş edipdi. Ol dortmundlylaryň düzüminde 22-nji belgide oýnar.
