Hünärmenler 2024-nji ýylda syýahatçylar üçin iň howpsuz ýurdy mälim etdiler diýip, “Complex” web saýty ýazýar. Sanaw düzülende ilatyň gürlüginden başlap, howa şertlerine çenli ähli ugurlar göz öňünde tutuldy.
“Berkshire Hathaway Travel Protection” kompaniýasynyň hünärmenleri 2024-nji ýylda syýahatçylar üçin iň howpsuz ýurt Kanada diýen netijä geldiler. Kanada geçen ýyl altynjy orunda durýardy, ýöne indi ikinji we üçünji orny eýeleýän Şweýsariýadan we Norwegiýadan öňe saýlandy.
Hünärmenler Kanadany sowuk howasy we az ilat gürlügi, şeýle hem jenaýatçylygyň pes derejesi üçin sanawda birinji orna mynasyp gördüler. Sanawy düzen awtorlar munuň gutarnykly däldigini bellediler. Sanawdaky belli bir ýurduň orny islendik pursatda dürli sebäplere görä üýtgäp bilýär.
