Amerikan işewüri, milliarderi Ilon Maskyň “Neuralink” neýrotehnologiýa kompaniýasy tarapyndan ilkinji gezek adam beýnisine çip-implant oturdyldy. “Ilkinji adam çip-implanta eýe boldy, operasiýadan soň dikeldiş kadaly ýagdaýda geçýär” – diýip, Mask özüniň X jemgyýetçilik torunda ýazdy. Maglumatlara görä, enjam köp zady wada berýär.
Ilon Mask ilkinji önümiň “Telepathy” diýlip atlandyrylandygyny belledi. Ol adama pikiriň güýji bilen akyllary telefony we kompýuteri dolandyrmaga mümkinçilik berer. Maskyň aýtmagyna görä, hereket etmeklik ukybyndan mahrum bolan adamlar onuň ilkinji ulanyjylary bolar.
2016-njy ýylyň iýul aýynda Mask tarapyndan esaslandyrylan “Neuralink” kompaniýasy geljekde adam beýnisine berkidip boljak çip-implantlary işläp taýýarlamak bilen meşgullanýar. Işewür şeýle neýroulgamlaryň adamlara pikiriň güýji bilen elektron enjamlary dolandyrmaga kömek etjekdigine öňe sürýär.
ABŞ-nyň lukmançylyk düzgünleşdirijisi, Azyk we derman serişdelerini dolandyryş gullugy geçen ýylyň maý aýynda synag geçirmäge rugsat berdi. Ondan öň bu tehnologiýa maýmynlarda synag edilipdi.
