4-nji fewralda Türkmenistanyň we Russiýanyň Gahrymany, instruktor-kosmonawt, «Roskosmos» kosmonawtlar otrýadynyň serkerdesi Oleg Kononenko häzire çenli ähli kärdeşlerinden öňe saýlanyp, kosmosda iň köp wagt bolan adam boldy. Bu baradaky mundan ozalky rekorduň eýesi Gennadiý Padalkadan öňe geçdi. “Mir” hem-de Halkara kosmos beketlerinde iş alyp baran russiýaly Gennadiý Padalka bäş gezekki missiýanyň çäginde jemi 879 gün 11 sagat 29 minut bilen, ozalky rekordyň eýesidi. Oleg Kononenkonyň bolsa 4-nji fewral güni Moskwa wagty bilen 11:30-da şol rekorddan öňe geçip, taryha adyny ýazdyrdy.
Kononenko şu ýylyň 23-nji sentýabryna çenli kosmos bekedinde bolar. Şol güne çenli ol kosmosda jemi 1 müň 110 gün bolup, täzelenmesi kyn ýene bir rekorda öz adyna ýazdyrar. Şeýlelikde ol kosmosda müň günden köp wagt geçiren ilkinji ynsan bolar.
