“Daşoguztelekom” welaýat elektrik aragatnaşyk kärhanasy geçen ýyl ýokary tizlikli internet ulanyjylaryň sanynyň ep-esli artandygyny habar berýär. 2023-nji ýylyň dowamynda welaýatda telefon nokatlarynyň 6 müň 820-siniň deregine 9 müň 134-si ýokary tizlikli internet ulgamyna birikdirildi. Meýilnamada göz öňünde tutulan 6 müň sany telefon nokadyna derek bolsa, 6 müň 377 sany telefon nokady gurnaldy. Welaýatyň çäginde täze ýaşaýyş jaýlarynyň hatarynyň artýandygyna görä, ilatyň öýlerine çekilýän hem-de internet ulgamyna birikdirilýän telefon nokatlaryna isleg barha artýar.
Bellenişi ýaly, “Daşoguztelekom” welaýat elektrik aragatnaşyk kärhanasynyň hünärmenleri häzirki zaman sanly çözgütleri özleşdirmek we ornaşdyrmak işlerini alyp barýarlar.
Çeşme: https://tca.gov.tm/
