Winsent Wan Goguň “Ak topbuly daýhan zenanyň portreti” atly suratynyň geljek aý Niderlandlarda satuwa çykaryljakdygy barada “NL Times” neşiri habar berdi.
Suratyň asyl bahasy entek yglan edilmedi.
“Ak topbuly daýhan zenanyň portreti” Wan Gog tarapyndan 1884-nji ýylda döredilipdi. Sungat bilermenleriniň pikiriçe, bu eser gollandiýaly suratkeşiň irki portretleriniň ajaýyp mysalydyr.
Bu kartina mart aýynda Niderlandlaryň Maastriht şäherinde her ýyl geçirilýän “Tefaf” atly sungat we gadymy zatlar sergisinde satuwa çykarylar. Ýarmarka 9-njy martdan 14-nji mart aralygynda hemmeler üçin açyk bolar.
