Argentin futbolynyň meşhur şahsyýetlerinden, “Boka Huniorsyň” rowaýaty tälimçisi Migel Anhel Russo 69 ýaşynyň içinde aradan çykdy. Köp wagtdan bäri düwnük keselinden ejir çekip gelýän Russonyň aradan çykmagy klubuň janköýerlerini gaty gynandyrdy. Geçen sentýabr aýynyň 21-inde iň soňky duşuşygyny geçiren ussat tälimçi futbolçylyk karýerasyny tutuşlygyna ýurdunyň “Estudiantes” toparynda geçirdi (çempionatda 418 oýunda 11 gol). Argentinanyň milli ýygyndysy bilenem 17 duşuşykda meýdança çykan Migel Anhel Russo ýurdunda, Çilide, Peruda, Ispaniýada, Saud Arabystanynda, Kolumbiýada ençeme kluby türgenleşdirdi. “Weles Sarsfild”, “Boka Huniors” klublary bilen Argentinada çempionlyk gazanan Migel Anhel Russo “Boka Huniors” toparyna 2007-nji ýylda Kopa Libertadores kubogyny gazandyrypdy.

Gyzykly bolup bilerЕЩЕ ОТ АВТОРА