Ni­ka­laş­mak iki ada­myň dur­mu­şy­ny bir­leş­dir­ýän iň mö­hüm ka­rar­la­ryň bi­ri­dir. Ni­ka­laş­mak bi­len iki ýaş ju­wa­nyň ara­syn­da maş­ga­la eme­le ge­lip, uzak ýyl­la­ryň do­wa­myn­da bagt­ly maş­ga­la bol­mak üçin uly ta­gal­la edil­ýär. Bi­ler­men­ler ýan­ýol­da­şyň bi­len dü­şü­ni­şip, bagt­ly dur­muş­da ýa­şa­ma­gyň syr­la­ry­ny şeý­le be­ýan ed­ýär­ler.
Diň­le­megi başarmak. Diň­le­me­gi ba­şar­mak sun­gat bo­lup, ýan­ýol­da­şyň aý­dan­la­ry­na dog­ry dü­şün­me­gi we my­la­ýym jo­gap ber­me­gi ba­şar­ma­ly. Dü­şü­niş­mez­lik­le­riň kö­pü­si der­di­ňi aý­dyp bil­mez­lik, diň­le­me­gi ba­şar­maz­lyk we ýal­ňyş dü­şün­mek bi­len bag­ly ýü­ze çyk­ýar. Şol se­bäp­li, ýan­ýol­da­şyň diý­ýän söz­le­ri­ni di­ňe bir eşit­me­li däl, eý­sem, duý­gu­la­ryň bi­len ka­bul et­me­li.
Dog­ru­çyl­lyk we duý­gu­la­ry­ňy paý­laş­mak. Özü­ňi dog­ru­çyl alyp bar­mak we duý­gu­la­ry­ňy saý­lap alan ýa­ryň bi­len paý­laş­mak maş­ga­la gat­na­şy­gy­nyň esa­sy­ny düz­ýän yna­my güýç­len­dir­mä­ge ýar­dam ed­ýär. Ynam öza­ra gat­na­şyk­la­ryň esa­sy sü­tü­ni bo­lup, bag­ty­ýar gel­je­gi üp­jün ed­ýär. Özü­ňi bag­ty­ýar, ala­da­ly ýa-da ga­har­ly duý­ýan­dy­gy­ňa ga­ra­maz­dan, duý­gu­la­ry­ňy maş­ga­laň bi­len paý­laş­ma­ly. Bu ada­myň özü­ni ra­hat alyp barmagyna, bi­rek-bi­re­ge has-da ýa­kyn­laş­ma­ga we maş­ga­la gat­na­şyk­la­ry­ny ber­kit­mä­ge kö­mek ed­ýär.
Öza­ra tan­ky­da dog­ry dü­şün­mek. Maş­ga­la­da dü­şü­niş­mez­lik­le­riň bol­ma­gy te­bi­gy zat. Bu ýag­daý, esa­san hem, kem­çi­lik­le­ri­ňi bil­mez­lik esa­syn­da ýü­ze çyk­ýar. Şol se­bäp­li maş­ga­la­da ýü­ze çyk­ýan kem­çi­lik­le­ri bir-bi­ri­ňi kem­sit­mez­den, ýum­şak äheň­de aýt­ma­ly. Esa­sy zat hem se­bäp­kär göz­le­me­li däl-de, me­se­lä­niň ýü­ze çyk­ma­gy­na se­bäp bo­lan ýag­da­ýy anyk­la­ma­ly. Ýal­ňy­şy gaý­ta­la­maz­ly­ga sy­na­nyş­ma­ly. «Men» ýa-da «Sen» di­ýen jüm­lä­niň ýe­ri­ne «Biz» di­ýen jüm­lä­ni ulan­ma­ly.
Hal-ah­wal so­raş­mak. Gü­nüň do­wa­myn­da iş-ala­da bi­len bo­lup, bir öý­de ýa­şal­ýan hem bol­sa, kä­ha­lat­da hal-ah­wal so­raş­ma­gy we gür­rüň­le­şip otur­ma­gy ýat­dan çy­kar­ýa­rys. Bu ýag­daý maş­ga­la­da so­wuk-sa­la­ly­ga ge­ti­rip bi­ler. Şol se­bäp­li maş­ga­laň­dan wag­tal-wag­tal hal-ýagdaýyny so­ra­ma­gy, öý­de dynç al­ýan wag­tyň söh­bet edip otur­ma­gy ýat­dan çy­kar­ma­ly däl. Hal-ah­wal so­raş­mak ala­da edil­ýän­di­gi­niň ala­ma­ty bo­lup, maş­ga­la gat­na­şy­gy­ny has-da ber­kid­ýär.
Hor­mat­ goýmak we min­net­dar­lyk bil­dir­mek. Ýan­ýol­da­şy­ňa ed­ýän ala­da­la­ry üçin min­net­dar­ly­gy­ňy yzy­gi­der­li be­ýan et­me­li. Ag­şam na­ha­ryn­dan soň­ra, ýan­ýol­da­şy­ňa na­ha­ryň süý­ji bo­lan­dy­gy­ny aýt­mak ýa-da öýe ge­ti­ri­len haý­sy­dyr bir zat üçin ýol­da­şy­ňa ho­şal­lyk bil­dir­mek onuň üçin ýa­kym­ly bol­sa ge­rek. Min­net­dar­lyk oňyn duý­gu­la­ry dö­re­dip, ag­zy­bir­li­gi sak­la­ma­ga we bi­ri-bi­ri­ňe bo­lan hor­ma­ty art­dyr­ma­ga ýar­dam ed­ýär.

Gyzykly bolup bilerЕЩЕ ОТ АВТОРА