Ispaniýanyň çempionatynda “Barselona” öz meýdançasynda “Walensiýanyň” derwezesinden gol bolup ýagdy. Eýýäm ilkinji 15 minutda 3 gol geçiren “Barselonanyň” adyndan De Ýong (3), Torres (8), Rafinýa (14), Fermin Lopes (24, 45+4), Lewandowski (66) hem-de Tarrega (75 ö.d.) tapawutlandy. 2008-nji ýyldan soň ilkinji gezek başda 15 minutda 4 gol geçiren katalonlaryň şu möwsümde 32 duşuşykda derwezä girizen gollarynyň sany 101-e ýetdi. Bu bolsa klubuň taryhyndaky iň ýokary 2-nji görkezijidir. Mundan öňki ýokary görkeziji 1958/59 möwsüminde argentinaly tälimçi Helenio Herreranyň ýolbaşçylygynda 31 oýunda 100 gol hökmünde hasaba alnypdy. Şeýle-de, “Barselona” şu möwsümde garşydaşlaryny 15-nji gezek uly hasap bilen ýeňlişe sezewar etdi. “Barselona” möwsümiň başynda “Walýadolidiň” derwezesinden hem 7 gol geçiripdi (7-0).

Sanawyň lideri “Real Madrid” myhmançylykda “Walýadolidi” Kilian Mbappeniň 30-njy, 57-nji hem-de 90+1-nji (p) minutlarda geçiren gollary bilen 3-0 hasabynda ýeňdi. “Realdaky” ilkinji het-trigini eden Mbappe bu görkezijä ýetmek üçin 32 duşuşyk gerek boldy. Madridiň beýleki kluby “Atletiko” bolsa öz meýdançasynda “Wilýarreal” bilen 1-1 hasabynda deňme-deň oýnady. Tapgyryň iň geň galdyryan netijesi Sen-Sebastianda hasaba alnyp, “Real Sosiedad” öz meýdançasynda “Hetafeden” 2-nji ýarymyň soňky 20 minutynda geçirden gollary esasynda 3-0 hasabynda ýeňildi.

Las Palmas – Osasuna: 1-1 (Ýanuzaý 90+8 – Oros 53),

Malýorka – Betis: 0-1 (Bakambu 90+6),

Atletiko – Wilýarreal: 1-1 (Lino 58 – Moreno 29 p),

Sewilýa – Espanýol: 1-1 (Bade 61 – Kumbula 15),

Walýadolid – Real Madrid: 0-3 (Mbappe 30, 57, 90+1 p),

Raýo Wallekano – Žirona: 2-1 (Nteka 80, 83 – Hil 58),

Real Sosiedad – Hetafe: 0-3 (Uçe 72, Karles Peres 74, 85),

Atletik – Leganes: 0-0,

Barselona – Walensiýa: 7-1 (De Ýong 3, Torres 8, Rafinýa 14, Fermin Lopes 24, 45+4, Lewandowski 66, Tarrega 75 ö.d. – Duro 59),

Alawes – Selta (şu gije)

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА