Her ýy­lyň 16-njy okt­ýab­ryn­da dün­ýä­niň 150-den gow­rak ýur­dun­da Bü­tin­dün­ýä azyk gü­ni bel­le­ni­lip ge­çil­ýär. Düýn «Has oňat iý­mit we has go­wy gel­jek üçin el-ele» şy­gary bi­len be­lle­ni­lip ge­çi­len bu se­ne my­na­sy­bet­li Bir­le­şen Mil­let­ler Gu­ra­ma­sy­nyň Azyk we Oba ho­ja­ly­gy gu­ra­ma­sy (FAO) ta­ra­pyn­dan mas­la­hat­lar, fo­rum­lar, pi­kir alyş­ma­lar we köp­çü­lik­le­ýin çä­re­ler ge­çi­ril­di. Bu ýyl FAO-nyň dö­re­dil­me­gi­niň 80 ýyl­ly­gy­na ga­bat ge­len bü­tin­dün­ýä baý­ram­çy­ly­gyn­da ho­wa­nyň üýt­ge­me­gi, yk­dy­sa­dy çök­gün­lik we deň­siz­lik ýa­ly me­se­le­ler ba­bat­da pi­kir al­şyl­dy. Bü­tin­dün­ýä azyk gü­nü­niň bel­le­ni­lip ge­çil­me­gi­niň esa­sy mak­sa­dy oba-ho­ja­lyk önüm­le­ri­niň ön­dü­ri­li­şi­ne gö­zeg­çi­lik et­mek, her bir ada­myň sag­dyn iý­mit­len­me­gi­ni üp­jün et­mek we azyk önüm­le­ri­niň hi­li­ni üýt­get­mez­den gel­jek ne­sil­le­re ýe­tir­mek bo­lup dur­ýar.
Ösüp bar­ýan ýurt­la­ryň kö­pü­sin­de oba ho­ja­ly­gy pu­da­gy yk­dy­sa­dy­ýe­tiň he­re­ket­len­di­ri­ji güý­ji ha­sap­lan­ýar. Oba ho­ja­ly­gy pu­da­gyn­da hyz­mat­daş­ly­gy ös­dür­mek, in­no­wa­si­on teh­ni­ka­la­ry we teh­no­lo­gi­ýa­la­ry or­naş­dyr­mak hem-de bi­rek-bi­re­ge ýar­dam ber­mek FAO-nyň esa­sy üns ber­ýän me­se­le­le­ri bo­lup dur­ýar. Dün­ýä ila­ty­nyň kö­pel­me­gi bi­len oba ho­ja­lyk önüm­le­ri­ni yzy­gi­der­li ýo­kar­lan­dyr­ma­ga ze­rur­lyk du­ýul­ýar. Şu nuk­daý­na­zar­dan, FAO kli­ma­tyň üýt­ge­me­gi­ne gar­şy gö­reş­mek, azyk ýit­gi­le­ri­niň öňü­ni al­mak, gu­rak­ly­gyň tä­si­ri­ni azalt­mak we kä­bir oba ho­ja­lyk eki­nle­ri­niň ýit­mek how­pu­nyň öňü­ni al­mak ba­bat­da bir­nä­çe iş­le­ri alyp bar­ýar. FAO-nyň hü­när­men­le­ri glo­bal iý­mit zyn­jy­ry­ny go­wu­lan­dyr­mak, azyk ýit­gi­le­ri­ni we ga­lyn­dy­la­ry azalt­mak üçin köp­çü­lik­le­ýin ta­gal­la et­me­li­di­gi­ni bel­le­ýär­ler.
FAO-nyň 1979-njy ýy­lyň no­ýabr aýyn­da ge­çi­ri­len 20-nji umu­my mej­li­sin­de 16-njy okt­ýabr – Bü­tin­dün­ýä azyk gü­ni diý­lip yg­lan edil­ýär. Bu se­ne­ Bir­le­şen Mil­let­ler Gu­ra­ma­sy­nyň Azyk we Oba ho­ja­ly­gy gu­ra­ma­sy­nyň dö­re­di­len gü­nü­ni (16.10.1945ý.) köp­çü­lik­le­ýin bel­le­mek mak­sa­dy bi­len dö­re­dil­ýär.
Dün­ýä­de iň köp sarp edil­ýän azyk önüm­le­ri­niň ara­syn­da tü­wi, to­wuk eti, ýu­murt­ga, çö­rek, ba­lyk, ýe­ral­ma, süýt, al­ma, aş önüm­le­ri, gök-bak­ja we dä­ne önüm­le­ri öň­de­li­gi eýe­le­ýär. Dün­ýä­de her ýyl 4 mil­liard ton­na tö­we­re­gi iý­mit iýil­ýär.

Gyzykly bolup bilerЕЩЕ ОТ АВТОРА