Norwegiýanyň “Equinor” kompaniýasy Demirgazyk deňizdäki “Yuhan Swerdrup” ýatagyndaky önümçiligini artdyrdy. Bu iri nebit ýatagynyň ikinji tapgyry özleşdirilip, önümçiligi ýokarlandyrylar. Bu ýerden alynýan nebitiň, esasan, Ýewropa ýurtlaryna eksport edilýändigi mälim edildi. Täze käniň gündelik nebit çykarylyşy 720 müň barrele barabar bolup, ýakyn geljekde 755 müň barrele çenli ýokarlandyrylmagy meýilleşdirilýär. Bu ýerdäki birinji tapgyryň çäginde günde 535 müň barrel nebit çykarylýar. Bu ýatakdan çykarylýan nebit Ýewropadaky gündelik sarp edýän nebitiň 6-7 göterimine barabar bolar.

“Yuhan Swerdrup” nebit käniniň birinji tapgyryndaky önümçilik 2019-njy ýylda ýola goýlupdy. “Equinor Energy AS” kompaniýasy bu käniň 42,6 göterim paýyna eýeçilik edýär. 1972-nji ýylda döredilen “Equinor” dünýäniň 30 ýurdunda iş alyp barýar.

Aşyrgül Kurbanmuradowa, Ýagşygeldi Kakaýew adyndaky Halkara nebit we gaz uniwersitetiniň talyby

Gyzykly bolup bilerЕЩЕ ОТ АВТОРА