“Benchmark Mineral Intelligence” atly iňlis maslahat beriş kompaniýasynyň maglumatyna görä, dünýäde geçen aý jemi 1,75 million elektroulag satylypdyr. Geçen aýdaky satuw geçen ýylyň degişli döwri bilen deňeşdirilende 3%, ozalky aý bilen deňeşdirilende, 66% ýokary bolupdyr.
Ýewropada mart aýynda 540 müňe golaý täze elektroulag satylypdyr. Bu görkeziji sbit üçin rekord hasaplanýar. Munda döredilen ýeňillikleriň hem täsiri uly bolupdyr. Bu görkeziji ozalky aýdakydan 72% köp diýmegi aňladýar. Ýyllyk ösüş bolsa, 37% artyk bolupdyr. Angliýa, Belgiýa, Finlýandiýa, Fransiýa, Italiýa, Portugaliýa we Ispaniýa rekord derejede elektroulag satylan ýurtlar bolupdyr.
Muňa garamazdan, ýylyň birinji çärýeginde elektroulag satuwy 3% azalyp, 4 million bolupdyr. Bu döwürde Hytaýdaky satuw 21% azalyp, 1,9 million elektroulag ýerlenipdir. Demirgazyk Amerikadaky satuw 27% azalyp, 320 müňe düşüpdir. Ýewropada bolsa 27% ösüş gazanylyp, 1,2 million elektroulag täze eýelerine gowşurylypdyr.

Gyzykly bolup bilerЕЩЕ ОТ АВТОРА