Türkmen halky gadymy döwürlerden bäri möhüm meseleleri bilelikde, şöhratly ata-babalarymyzyň köpasyrlyk däbine daýanyp ara alyp maslahatlaşypdyr we çözüpdir. Häzirki döwürde bu asylly däpler Halk Maslahatynyň işinde öz beýanyny tapýar. Halk Maslahaty Türkmenistanyň Konstitusiýasyna laýyklykda hereket edýän halk häkimiýetiniň ýokary wekilçilikli edarasydyr.

Şu gün­ler ýur­du­myz­da dö­wür­le­riň üz­nük­siz ara­bag­la­ny­şy­gy­ny, ne­sil­le­riň do­wa­mat­ly­ly­gy­ny, Ga­raş­syz, he­mi­şe­lik Bitarap Wa­ta­ny­my­zyň öň­den gel­ýän de­mok­ra­tik ýö­rel­ge­le­re yg­rar­ly­dy­gy­ny ala­mat­lan­dyr­ýan umu­my­mil­li fo­ru­ma iş­jeň taý­ýar­lyk gö­rül­ýär. Hor­mat­ly Pre­zi­den­ti­miz 2025-nji ýy­lyň ge­çen al­ty aýyn­da al­nyp bar­lan iş­le­riň jem­le­ri­ne ba­gyş­lap ge­çi­ren Mi­nistr­ler Ka­bi­ne­ti­niň gi­ňiş­le­ýin mej­li­sin­de Türk­me­nis­ta­nyň Halk Mas­la­ha­ty­nyň mej­li­si­ne hem-de he­mi­şe­lik Bi­ta­rap­ly­gy­my­zyň şan­ly 30 ýyl­lyk baý­ra­my­na ýo­ka­ry de­re­je­de taý­ýar­lyk gör­mek bo­ýun­ça de­giş­li tab­şy­ryk­lary ber­di.
Ber­ka­rar döw­le­tiň tä­ze eýýamynyň Galkynyşy döw­rün­de hormatly Prezidentimiziň baştutan­ly­gyn­da «Hal­ka­ra pa­ra­hat­çy­lyk we yna­nyş­mak ýy­ly» şy­ga­ry as­tyn­da geç­ýän şu ýyl uly üs­tün­lik­le­re bes­le­nip, şol üs­tün­lik­ler hal­ky­my­zyň je­bis­li­gi, zäh­met­sö­ýer­li­gi, mak­sa­da ok­gun­ly­ly­gy ne­ti­je­sin­de ga­za­nyl­ýar. Ga­za­ny­lan sy­ýa­sy, yk­dy­sa­dy ösüş­ler, me­de­ni-dur­muş öz­gert­me­le­r ra­ýat­la­ry­my­zyň ýa­şa­ýyş-dur­muş de­re­je­si­ni düýp­li ýo­kar­lan­dyr­dy, gur­ýan we öz­ger­ýän döw­le­ti­mi­ziň güýç-kuw­wa­ty­ny art­dy­ryp, ber­ka­rar­ly­gy­ny pug­ta­lan­dyr­dy.
Mä­lim bol­şy ýa­ly, türk­men hal­ky­nyň Mil­li Li­de­ri, Türk­me­nis­ta­nyň Halk Mas­la­ha­ty­nyň Baş­ly­gy Gurbanguly Berdimuhamedowyň gol çe­ken Halk Mas­la­ha­ty­nyň Pre­zi­diu­my­nyň Ka­ra­ry­na la­ýyk­lyk­da, Halk Mas­la­ha­ty­nyň no­bat­da­ky mej­li­si şu ýy­lyň 19-njy sent­ýab­ryn­da Aş­ga­bat şä­he­rin­de, Mas­la­hat köş­gün­de ge­çi­ri­ler. Ony ýo­ka­ry de­re­je­de ge­çir­mek mak­sa­dy bi­len, gu­ra­ma­çy­lyk ko­mi­te­ti dö­re­dil­di. Hä­zir­ki wagt­da ol de­giş­li top­lum­la­ýyn iş­le­ri ama­la aşyr­ýar.
Mu­kad­des Ga­raş­syz­ly­gy­my­zyň 34 ýyl­ly­gy­nyň öňü­sy­ra­syn­da hem-de Türk­me­nis­ta­nyň he­mi­şe­lik Bi­ta­rap­lyk de­re­je­si­niň 30 ýyl­ly­gy­nyň bel­le­nil­ýän ýy­lyn­da ge­çi­ril­jek Halk Mas­la­ha­ty­nyň mej­li­sin­de ge­çen dö­wür­de al­nyp bar­lan iş­le­riň je­mi jem­le­ner, ýa­kyn we uzak möh­let­li gel­jek üçin ile­ri tu­tul­ýan we­zi­pe­ler kes­git­le­ni­ler, ola­ry çöz­me­giň ýol­la­ry ba­bat­da tek­lip­le­re ga­ra­lar.
Türk­men hal­ky­nyň Mil­li Li­de­ri, Türk­me­nis­ta­nyň Halk Mas­la­ha­ty­nyň Baş­ly­gy Gurbanguly Berdimuhamedow 20-nji aw­gust­da ge­çi­ri­len Türk­me­nis­ta­nyň Halk Mas­la­ha­ty­nyň Pre­zi­diu­my­nyň mej­li­sin­dä­ki çy­ky­şyn­da «Biz şu ýy­lyň sent­ýab­ryn­da äh­li hal­ky­myz bi­len bi­le­lik­de, ag­zy­bir­lik­de Wa­ta­ny­my­zyň Ga­raş­syz­lyk baý­ra­my­ny giň­den bel­läp ge­çe­ris. Hal­ky­myz he­mi­şe­lik Bi­ta­rap Di­ýa­ry­my­zyň Ga­raş­syz­lyk to­ýu­ny uly zäh­met üs­tün­lik­le­ri­ne bes­läp, buý­sanç bi­len gar­şy al­ýar. Se­bä­bi bu se­ne Ga­raş­syz ýur­du­myz hem-de ag­zy­bir hal­ky­myz üçin aý­ra­tyn äh­mi­ýet­li, buý­sanç­ly, bi­ziň her bi­ri­mi­zi tä­ze, be­lent mak­sat­la­ra gal­kyn­dyr­ýan şan­ly wa­ka­dyr. Şu­nuň bi­len bag­ly­lyk­da, Ga­raş­syz­lyk baý­ra­my­nyň bel­le­nil­ýän gün­le­rin­de Türk­me­nis­ta­nyň Halk Mas­la­ha­ty­nyň no­bat­da­ky mej­li­si­ni ge­çir­mek bi­len, Ga­raş­syz döw­le­ti­mi­ziň ösü­şin­de ga­za­ny­lan üs­tün­lik­le­riň, ýe­ti­len sep­git­le­riň, ýe­ri­ne ýe­ti­ri­len iş­le­riň je­mi­ni jem­lä­ris. Döw­rüň ta­lap­la­ryn­dan, tä­ze yk­dy­sa­dy şert­ler­den ugur alyp, tä­ze ta­ry­hy dö­wür­de öňü­miz­de dur­ýan mö­hüm we­zi­pe­le­ri ara alyp mas­la­hat­la­şa­rys» di­ýip bel­le­ýär.
Şeý­le-de mej­lis­de Gah­ry­man Arkadagymyz «Türk­me­nis­ta­nyň Halk Maslahaty ha­kyn­da» Türk­me­nis­ta­nyň Kons­ti­tu­si­on ka­nu­ny­nyň 19-njy mad­da­sy­na la­ýyk­lyk­da, Türk­me­nis­ta­nyň Halk Mas­la­ha­ty­nyň Di­wa­nyna gu­ra­ma­çy­lyk to­pa­ry bi­len bi­le­lik­de aşak­da­ky iş­le­ri ýo­ka­ry de­re­je­de alyp bar­ma­gy tab­şyr­dy.
1 Türk­me­nis­ta­nyň Halk Mas­la­ha­ty­nyň ag­za­la­ry, de­pu­tat­lar, sy­ýa­sy we jem­gy­ýet­çi­lik gu­ra­ma­la­ry­nyň iş­jeň ag­za­la­ry, alym­lar, ýo­ka­ry okuw mek­dep­le­ri­niň pro­fes­sor-mu­gal­lym­la­ry, köp­çü­lik­le­ýin ha­bar be­riş se­riş­de­le­ri­niň we­kil­le­ri Türk­me­nis­ta­nyň Halk Mas­la­ha­ty­nyň mej­li­si­ne taý­ýar­lyk gö­rül­ýän dö­wür­de we mej­li­siň jem­le­ri bo­ýun­ça Türk­me­nis­ta­nyň Halk Mas­la­ha­ty­nyň alyp bar­ýan iş­le­ri­niň ta­ry­hy, sy­ýa­sy-jem­gy­ýet­çi­lik äh­mi­ýe­ti ba­ra­da tä­sir­li wa­gyz-ne­si­hat çä­re­le­ri­ni, çy­kyş­la­ry, du­şu­şyk­la­ry giň­den gu­ra­ma­ly;
2 Türk­me­nis­ta­nyň Halk Mas­la­ha­ty­nyň mej­li­si­ne taý­ýar­lyk gör­mek bo­ýun­ça iş­le­ri gu­ra­ma­çy­lyk to­pa­ry bi­len bi­le­lik­de me­ýil­na­ma esa­syn­da alyp bar­ma­ly;
3 Türk­me­nis­ta­nyň Halk Mas­la­ha­ty­nyň ga­ra­ma­gy­na so­rag­la­ry taý­ýar­la­ma­ly we res­mi­na­ma­la­ryň tas­la­ma­la­ry­ny gu­ra­ma­çy­lyk to­pa­ry­nyň ýyg­nak­la­ryn­da des­lap­dan ara alyp mas­la­hat­laş­ma­ly;
4 Türk­me­nis­ta­nyň Halk Mas­la­ha­ty­nyň mej­li­si­ne taý­ýar­lyk gör­mek­de we­la­ýat­la­ryň, et­rap­la­ryň we şä­her­le­riň halk mas­la­hat­la­ry­nyň işi­ne gu­ra­ma­çy­lyk-usu­ly­ýet taý­dan ýol­baş­çy­lyk et­me­li;
5 Ra­ýat­lar­dan ge­lip gow­şan tek­lip­le­re we beý­le­ki ýüz­tut­ma­la­ra ga­ra­mak, ola­ry ha­sa­ba al­mak, umu­my­laş­dyr­mak bo­ýun­ça iş­le­ri alyp bar­ma­ly;
6 Türk­me­nis­ta­nyň Halk Mas­la­ha­ty­nyň mej­li­si­ni ge­çir­me­giň mak­sat­na­ma­sy­ny taý­ýar­la­ma­ly;

7 Türk­me­nis­ta­nyň Halk Mas­la­ha­ty­nyň işi­ni köp­çü­lik­le­ýin ha­bar be­riş se­riş­de­le­rin­de be­ýan et­mek bi­len bag­ly ze­rur mag­lu­mat­la­ry taý­ýar­la­ma­ly;
8 Türk­me­nis­ta­nyň Halk Mas­la­ha­ty­nyň mej­li­si­ne taý­ýar­lyk gör­mek bo­ýun­ça gu­ra­ma­çy­lyk iş­le­ri­ni Türk­me­nis­ta­nyň Mej­li­si, Mi­nistr­ler Ka­bi­ne­ti­niň Baş­ly­gy­nyň orun­ba­sar­la­ry, de­giş­li mi­nistr­lik­ler we pu­dak­la­ýyn do­lan­dy­ryş eda­ra­la­ry, we­la­ýat­la­ryň, Aş­ga­bat, Ar­ka­dag şä­her­le­ri­niň hä­kim­lik­le­ri, jem­gy­ýet­çi­lik bir­le­şik­le­ri bi­len bi­le­lik­de ut­ga­şyk­ly alyp bar­ma­ly;
9 Türk­me­nis­ta­nyň Mej­li­si he­mi­şe­lik Bi­ta­rap­ly­gy­my­zyň 30 ýyl­ly­gy hem-de 2025-nji ýy­lyň «Hal­ka­ra pa­ra­hat­çy­lyk we yna­nyş­mak ýy­ly» diý­lip yg­lan edil­me­gi my­na­sy­bet­li döw­le­ti­mi­ziň pa­ra­hat­çy­lyk sö­ýü­ji­lik­li, yn­san­per­wer içe­ri we da­şa­ry sy­ýa­sa­ty­ny par­la­ment dip­lo­ma­ti­ýa­sy­nyň üs­ti bi­len dün­ýä ýaý­mak, wa­gyz et­mek bo­ýun­ça mi­nistr­lik­ler we pu­dak­la­ýyn do­lan­dy­ryş eda­ra­la­ry, sy­ýa­sy par­ti­ýa­lar, jem­gy­ýet­çi­lik bir­le­şik­le­ri bi­len al­nyp ba­ryl­ýan iş­le­ri do­wam et­dir­me­li;
10 Hor­mat­ly Pre­zi­den­ti­mi­ziň be­ren tab­şy­ryk­la­ry­na la­ýyk­lyk­da, Ga­raş­syz­lyk ýyl­la­ry için­de ýur­du­my­zyň dur­mu­şy­nyň sy­ýa­sy, yk­dy­sa­dy, me­de­ni ugur­la­ryn­da ýo­ka­ry zäh­met üs­tün­lik­le­ri­ni ga­za­nan, halk ara­syn­da uly ab­raý­dan we sy­lag­dan peý­da­lan­ýan il­deş­le­ri­mi­zi döw­let sy­lag­la­ry bi­len sy­lag­la­mak, ola­ra hor­mat­ly at­la­ry dak­mak bo­ýun­ça alyp bar­ýan iş­le­ri­mi­zi hem gu­ra­ma­çy­lyk­ly ýe­ri­ne ýe­tir­me­li. My­na­syp adam­la­ry hö­dür­le­mek we bu iş­le­ri res­mi­leş­dir­mek bo­ýun­ça iş­le­ri ta­la­ba­la­ýyk alyp bar­ma­ly.
Türk­me­nis­ta­nyň Halk Mas­la­ha­ty halk hä­ki­mi­ýe­ti­niň iň ýo­ka­ry we­kil­çi­lik­li eda­ra­sy bol­mak bi­len, Ga­raş­syz, he­mi­şe­lik Bi­ta­rap döw­le­ti­miz­de halk bi­len ge­ňeş­mek – Halk Mas­la­hat­la­ry­ny yzy­gi­der­li ge­çir­mek in­di dä­be öw­rül­di. Hä­zir­ki wagt­da ýurt­da bu umu­my­mil­li fo­ru­my ýo­ka­ry gu­ra­ma­çy­lyk de­re­je­sin­de ge­çir­mek bo­ýun­ça de­giş­li çä­re­ler gö­rül­ýär. Mej­li­siň gün ter­ti­bi­ni hem-de res­mi­na­ma­la­ryň tas­la­ma­la­ry­ny taý­ýar­la­ma­ga aý­ra­tyn üns be­ril­ýär. Şu­nuň bi­len bag­ly­lyk­da, türk­me­nis­tan­ly­la­ra öň­de bol­jak jem­gy­ýet­çi­lik-sy­ýa­sy çä­rä­niň äh­mi­ýe­ti­ni dü­şün­dir­mek bo­ýun­ça iş­ler al­nyp ba­ryl­ýar.
Go­laý­da ge­çi­ril­jek Türk­me­nis­ta­nyň Halk Mas­la­ha­ty­nyň no­bat­da­ky mej­li­si sy­ýa­sy-jem­gy­ýet­çi­lik wa­ka bol­mak bi­len, halk de­mok­ra­ti­ýa­sy­ny mun­dan beý­läk-de da­ba­ra­lan­dyr­mak­da, jem­gy­ýe­ti­mi­zi has-da je­bis­leş­dir­mek­de, hal­ky­my­zyň sy­ýa­sy me­de­ni­ýe­ti­ni we dü­şün­je­li­li­gi­ni ýo­kar­lan­dyr­mak­da, ýur­du­my­zyň yk­dy­sa­dy kuw­wa­ty­ny pug­ta­lan­dyr­mak­da mö­hüm orun eýe­lär.

Gyzykly bolup bilerЕЩЕ ОТ АВТОРА