Hytaýyň ilaty azalar

Dünýäniň iň köp ilatly ýurdy bolan Hytaýyň ilatynyň geljek ýyldan başlap azaljakdygy mälim edildi. Birleşen Milletler Guramasynyň Ykdysadyýet we sosial meseleler boýunça bölüminiň taýýarlan çaklamalaryna görä, Hytaýyň ilaty 2023-nji ýyldan başlap azalar. Şu asyryň ahyryna çenli bolsa, häzirki ilatynyň ýarysyna golaý bolar. Maglumatnamada Hytaýyň we Hindistanyň ilatynyň häzirki wagtda 1,4 milliarddan geçýändigi, Hytaýyň ilatynyň 2023-nji ýyldan başlap “absolýut azalyş prosesine” geçjekdigi, Hindistanyň ilatyndaky artyşyň dowam edip, dünýäniň iň köp ilatly ýurduna öwrüljekdigi mälim edildi. Maglumatnamada bellenilişine görä, häzirki wagtda 1 milliard 426 million bolan Hytaýyň ilaty, 2050-nji ýylda 1 milliard 317 milliona çenli azalar. Hindistanyň ilaty bolsa, 1 milliard 412 milliondan, 2050-nji ýyla çenli 1 milliard 668 milliona ýeter. Ýüz ýylyň ahyrynda Hytaýyň ilaty 766 million, Hindistanyňky 1 milliard 530 million töweregi bolar.

Ilatyň artyşy iň pes derejä ýetdi

Hy­taý­da do­gul­ýan hem-de ara­dan çyk­ýan ila­tyň ara­syn­da­ky ta­pa­wut 1998-nji ýyl­dan bä­ri il­kin­ji ge­zek 1 gö­te­rim­den pe­se gaç­dy. Ge­çen ýyl ýurt­da 1960-njy ýyl­dan bä­ri iň pes ösüş ha­sa­ba alyn­dy. Mil­li sta­tis­ti­ka eda­ra­sy­nyň mag­lu­ma­ty­na gö­rä, ge­çen ýyl Hy­ta­ýyň 31 we­la­ýa­ty­nyň hem-de se­bi­ti­niň ila­ty ba­ry-ýo­gy 480 müň adam ar­typ, umu­my ilat 1 mil­liard 412 mil­li­on 600 mü­ňe ýe­tip­dir. Ça­ga dog­luş de­re­je­si müň­den 7,52, ölüm de­re­je­si müň­den 7,18 bo­lup­dyr. Ne­ti­je­de ila­tyň ar­tyş de­re­je­si 0,34 gö­te­rim bo­lup­dyr. Ge­çen ýyl ýurt­da 10 mil­li­on 620 müň ça­ga dün­ýä inip­dir. 2020-nji ýyl­da bu gör­ke­zi­ji 12 mil­li­on bo­lup­dyr.
BMG-niň mag­lu­mat­la­ry­na gö­rä Hy­taý­da iş­le­ýän ýaş­da­ky ila­tyň sa­ny 2012-nji ýyl­dan bä­ri azal­ýar. Hä­zir­ki wagt­da bu gör­ke­zi­ji­niň 984 mil­li­on­dy­gy mä­lim edil­di.