Iki do­gan

(Hekaýa)

Braýan Kawano, amerikan ýazyjysy.

Iki do­gan maş­ga­la fer­ma­sy­ny bi­le­lik­de ýö­red­ýän eken­ler. Ola­ryň bi­ri­si öý­li-işik­li bo­lup, uly maş­ga­la­sy bar eken. Beý­le­ki bi­ri­si bol­sa, he­niz öý­len­me­dik eken. Do­gan­lar gü­nüň ahy­ryn­da äh­li önüm­le­ri­ni we gir­de­ji­le­ri­ni des-deň paý­la­şyp­dyr­lar.
Bir sa­par ini­si öz ýa­nyn­dan şeý­le di­ýip­dir:
– Bi­ziň äh­li ha­sy­ly deň paý­laş­ma­gy­myz dog­ry däl. Çün­ki men ýe­ke we me­niň ze­rur­lyk­la­rym hem on­çak­ly köp däl.
Şon­dan soň ol her gi­je öz am­ma­ryn­dan bir hal­ta dä­ne alyp, giz­lin­lik bi­len bug­daý meý­da­ny­nyň içi bi­len do­ga­ny­nyň am­ma­ry­na da­şap­dyr.
Şol wagt maş­ga­la­ly do­ga­ny hem öz ýa­nyn­dan şeý­le di­ýip­dir:
– Bi­ziň äh­li ha­sy­ly des-deň paý­laş­ma­gy­myz ada­lat­ly däl. Me­niň iň bol­man­da, gar­ry­lyk­da ala­da­my et­jek ça­ga­la­rym bar. Inim bol­sa, ýe­ke we onuň ala­da­sy­ny et­jek maşgalasy ýok.
Şon­dan soň, ol hem her gi­je bir hal­ta dä­nä­ni do­ga­ny­nyň am­ma­ry­na ge­ti­rip dö­küp­dir.
Do­gan­lar bir gün dä­ne äti­ýaç­lyk­la­ry­nyň hiç hi­li ke­mel­me­ýän­di­gi­ni gö­rüp, geň ga­lyp­dyr­lar. Bir ýo­la olar gi­jä­niň ümüş-tam­şyn­da tö­tän­lik­de bi­ri-bi­ri­ne ga­bat ge­lip­dir­ler. Olar il­ki al­la­ni­çig­si bo­lup, do­ňup ga­lyp­dyr­lar. Şon­dan soň olar hal­ta­la­ry­ny taş­lap, bi­ri-bi­ri­ni gu­jak­lap­dyr­lar.

Bir – do­gan döz­mez, bir­de – dog­ran.