Dürli elektron enjamlaryny öndürmek bilen meşgullanýan “LG Electronics” (LG) kompaniýasy ilkinji lukmançylyk ekranyny tanyşdyrdy. Koreý kompaniýasy Germaniýanyň Dýusseldorf şäherinde geçirilen halkara lukmançylyk sergisinde (MEDICA 2022) “Mini LED” tehnologiýasy esasynda öndürijiler 27 dýuýmlyk, 4K durulygyndaky operasiýa monitoryny görkezdi. Bu enjam ýokary derejede dury şekil hödürlemegi bilen tapawutlanýar.
Bu ekranyň ýokary hilli lukmançylyk hyzmatlaryny hödürlemekde netijeli boljakdygy bellenilýär. Ykjam ekranyň arassalamagynyň hem aňsatdygy, şol sebäpli lukmançylyk üçin has oňaýlydygy mälim edildi.
Koreý brendi ekran tehologiýasynda dünýäniň öňdebaryjy kompaniýalarynyň biridir.
Mergen Begliýew, Türkmen döwlet binagärlik-gurluşyk institutynyň talyby.
PDF









