Ispaniýanyň Şa Kubogynda 4-4-lük duşuşyk

Ispaniýanyň Şa Kubogy ýaryşynda ýarym finalynyň 1-nji oýnunda ýatdan çykmajak duşuşyk boldy. “Barselona” bilen “Atletiko Madridiň” arasyndaky 1-nji duşuşykda 8 gol hasaba alynsa-da, ýeňiş gazanan bolmady. Çekeleşikli we dartgynly geçen oýnuň entek başynda madridliler 2-0 hasabynda öňe geçdi. 1-nji minutda Hulian Alwares, 6-njy minutda-da Antuan Grizmann tapawutlanmagy başardy. Ýöne ýer eýeleri katalonlar 1-nji ýarym tamamlanmanka, kembek etmegiň hötdesinden geldi. 19-njy minutda Pedriniň, 21-nji minutda-da Kubarsiniň gollary bilen hasap deňlendi. 41-nji minutda-da Inýigo Martines “Barselonany” öňe çykardy. 2-nji ýarymyň hem soňky 15 minuty diýseň hereketli geçdi. 74-nji minutda Lewandowski aratapawudy 2 gola çykardy. Oýnuň 84-nji minutynda Markos Llorente “Atletikonyň” 3-nji goluny geçirdi. 90+3-nji minutda-da Aleksander Sörlot tapawutlanyp, bu taryhy duşuşykda toparyny ýeňlişden halas etdi. Jogap duşuşygy 2-nji aprelde oýnalar.

Ýarym finalyň beýleki duşuşygynyň 1-nji oýny şu gije San Sebastianda ýerli “Real Sosiedad” bilen “Real Madridiň” arasynda geçiriler. Duşuşyk 01:30-da başlanar.