ABŞ-nyň Prezidenti Donald Tramp çarşenbe güni ýaýradan beýanatynda, taryhda bu wezipäni eýelän iň ýaş zenan bolan Ak Tamyň metbugat sekretary Kerolaýn Lewittiň aýyň ahyrynda administrasiýadan gidýändigini mälim etdi.

Respublikan lider sosial ulgamlardaky ýazgysynda özüniň iň ynamdar hem-de görnükli kömekçileriniň biriniň gidýändigi barada habar berdi. Trampyň ilkinji prezidentlik döwründe metbugat kömekçisi bolup işlän we «Amerikany ýene-de beýik edeliň!» atly meşhur syýasy hereketiniň iň tanymal şahslarynyň birine öwrülen Lewitt wezipesinden çekilýär.

Prezidentiň sözlerine görä, Kerolaýn Lewitt maşgalasy we çagalary bilen has köp wagt geçirmek maksady bilen aýyň ahyrynda wezipesini terk eder. Döwlet Baştutany bu karara doly düşünje bilen garaýandygyny we oňa hormat goýýandygyny nygtady.

Gyzykly bolup bilerЕЩЕ ОТ АВТОРА