Angliýada ýaşaýan 20 ýaşly inžener Jeýms Klarkson lotoreýadan 7,5 million funt sterling utdy. Klarkson täze ýyldaky lotoreýadan 7 million 533 müň 329 funt sterling utandygyny bilen wagty, ilki ynanmandyr. Anyklamak üçin Milli lotoreýa edarasyna jaň edende, çyndanam lotoreýany utandygyna göz ýetiripdir. Bir firmada inžener bolup tejribelik geçýän ýaş ýigit bu buşlukly habary maşgala agzalaryna ýetiripdir. Klarkson bu wakanyň ertesi güni işine gidipdir. Ol işlemegini dowam etdirjekdigini, entek örän ýaşdygyny, inženerçilik ugrunda tejribesini artdyrmak isleýändigini aýtdy. Ol kakasynyň hem özüne goldaw berýändigini aýdýar. Klarkson utan puly bilen maşgalasynyň satyn alan jaýynyň bergisini hem berjekdigini, bu puluň diňe özüne däl, eýsem maşgalasyna hem peýdaly bolmagyny isleýändigini aýtdy. Klarkson ýakyn wagtda dynç almaga gitjekdigini hem-de “Mançester Siti” toparynyň bir möwsümdäki biletlerini satyn almak isleýändigini aýtdy.
Geçen ýylyň fewralynda “EuroMillions” lotoreýasyndan 78 million dollar utan buhgalter Riçard Nuttall hem işlemegini dowam etdirjekdigini aýdypdy.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА